Prezıdent elimizde sybaılas jemqorlyqpen kúres keń qanat jaıyp kele jatqanyn málimdedi
Qazaqstan prezıdenti Qasym-Jomart Toqaev jemqorlyq máselesine qatysty pikirin bildirdi.
"Ókinishke qaraı, sybaılas jemqorlyq áli de bizdiń qoǵamnyń aýyr derti bolyp otyr. Sybaılas jemqorlyq memleketterdiń kópshiliginde bar. Qazaqstan da odan syrt qalǵan joq. Onymen qalaı kúresip jatyr nemese qalaı áshkerelep otyr – ol basqa másele. Bizdiń elimizge keler bolsaq, sybaılas jemqorlyqpen kúres jalǵasýda jáne keń qanat jaıyp keledi", - dedi Toqaev.
Memleket basshysy jaqynda tıisti vedomstvonyń basshysyn qabyldap, osyǵan baılanysty jumystardy jalǵastyrý jóninde tapsyrma bergenin atap ótti.
"Jalpy sandyq jáne sapalyq turǵydan alǵanda jazalaý jóninen Qazaqstan álemde kósh basynda turǵan elderdiń biri. Baıqasańyzdar, memlekettik qyzmet júıesinde joǵary laýazymdy adamdar jaýapqa tartylǵan. Olardyń arasynda premer-mınıstr, birqatar mınıstrler, vedomstvo basshylary jáne basqalar bar. Basqa qaı elde mundaı jaǵdaı boldy? Aıtý qıyn", - dedi Qasym-Jomart Toqaev.
Prezıdent sóz sońynda osy júıeli máseleni sheshý úshin kúsh-jigerin barynsha jumsaýǵa ýáde berdi.
Sputnik
