Prezident elımızde sybailas jemqorlyqpen küres keŋ qanat jaiyp kele jatqanyn mälımdedı
Qazaqstan prezidentı Qasym-Jomart Toqaev jemqorlyq mäselesıne qatysty pıkırın bıldırdı.
"Ökınışke qarai, sybailas jemqorlyq älı de bızdıŋ qoǧamnyŋ auyr dertı bolyp otyr. Sybailas jemqorlyq memleketterdıŋ köpşılıgınde bar. Qazaqstan da odan syrt qalǧan joq. Onymen qalai küresıp jatyr nemese qalai äşkerelep otyr – ol basqa mäsele. Bızdıŋ elımızge keler bolsaq, sybailas jemqorlyqpen küres jalǧasuda jäne keŋ qanat jaiyp keledı", - dedı Toqaev.
Memleket basşysy jaqynda tiıstı vedomstvonyŋ basşysyn qabyldap, osyǧan bailanysty jūmystardy jalǧastyru jönınde tapsyrma bergenın atap öttı.
"Jalpy sandyq jäne sapalyq tūrǧydan alǧanda jazalau jönınen Qazaqstan älemde köş basynda tūrǧan elderdıŋ bırı. Baiqasaŋyzdar, memlekettık qyzmet jüiesınde joǧary lauazymdy adamdar jauapqa tartylǧan. Olardyŋ arasynda premer-ministr, bırqatar ministrler, vedomstvo basşylary jäne basqalar bar. Basqa qai elde mūndai jaǧdai boldy? Aitu qiyn", - dedı Qasym-Jomart Toqaev.
Prezident söz soŋynda osy jüielı mäselenı şeşu üşın küş-jıgerın barynşa jūmsauǧa uäde berdı.
Sputnik
