İran, Auǧanstan jäne Türkiiadan kelgen qandastar öz qūryltaiyn ötkızdı

Türkıstan qalasynda Qazaqstannyŋ özge de aimaqtarynan jinalǧan delegattardyŋ qatysuymen İran, Auǧansan, Türkiia qazaqtarynyŋ qūryltaiy öttı. Jiyn osy elderden kelgen qazaq köşınıŋ 30 jyldyǧyna arnaldy. Būl turaly “Adyrna” ūlttyq portaly habarlaidy. Qūryltaiǧa jüzdegen adam qatysqan. Qala äkımdıgınen ökılder, auyl aqsaqaldary, İran, Auǧanstan, Türkiiadan kelgen belgılı qazaq aǧaiyndar jinalǧan. Jiynǧa qatysqan İrannan köşıp kelgen jurnalist Jüsıp Bökenūlynyŋ aituynşa, qūryltaidyŋ jastarǧa berer tälımı mol. “Qūryltaidyŋ negızı maqsaty - salt-dästürımızdı därıptep, artyq jerlerın özgertu. Mäselen, aramyzdaǧy jap-jas jıgıt pen qyzdar ekonomikalyq jaǧdai qiyn bolǧan soŋ üilene almai, qyzdarymyz basqa ūltqa şyǧyp, jıgıtterımız basqa ūlttyŋ qyzyn alyp otyr. Bızdıŋ saltymyzǧa qatysty bıraz qiyndyqtar bar. Solardy özgertuımız kerek. Aqşany köp talap etetın jaǧdailar da kezdesedı. Sondyqtan qazaqy salt-dästürdı bügıngı ūrpaqqa dūrys därıpteu nietımen osy qūryltai ūiymdastyrylyp otyr. Üş elden köşıp kelgen qazaqtarǧa Qazaqstannyŋ zaŋyna qūrmet körsetu, Qazaqstannyŋ jaqsy azamaty boluǧa, Qazaqstanǧa eŋbeuk sıŋıruge kömekteskımız keledı. Sondai-aq, qūryltaida olarǧa arnalǧan tiımdı baǧdarlamalar turaly da aityldy. Aldaǧy uaqytta nätijesın beredı degen senımdemız”, - dedı Jüsıp Bökenūly.