Meksıkada Bombardier Challenger 601 jolaýshylar ushaǵy apatqa ushyrap, 14 adam qaza tapty, dep habarlaıdy RIA Novostı.
5 mamyr kúndiz ushaqpen baılanys úziledi. 12 saǵatqa sozylǵan izdeý jumystarynyń nátıjesinde qutqarýshylar apatqa ushyraǵan ushaqty Koaýıla shatyndaǵy taýly aımaqtan tapqan. Jeke menshik ushaqtyń ishinde 11 jolaýshy jáne 3 ekpıpaj múshesi bolǵan. Meksıkalyq BAQ-tyń habarlaýynsha, olardyń barlyǵy qaza tapty.
Ushaq Las-Vegastan Monterreı qalasyna ushyp shyqqan. Barlyq jolaýshy – bıznesmen Manýel Alehandro Sepýlved pen onyń otbasy, birneshe dosy meksıkalyq Saýl Alvares pen amerıkalyq Denıel Djeıkobstyń jekpe-jeginen qaıtyp kele jatqan.
Eske sala ketsek, 5 mamyrda Las-Vegasta Saýl "Kanelo" Alvares (51-1-2, 34 KO) pen Denıel Djeıkobs (35-2, 29 KO) judyryqtasyp, 12 raýndqa sozylǵan jekpe-jekte "Kanelo" upaı sanymen jeńiske jetken edi.
