“Memlekettık tıldı mındetteitın memlekettık tıl turaly zaŋ qabyldauǧa tiıspız” dep qoǧam belsendısı Qazybek İsa özınıŋ äleumettık jelısındegı paraqşasynda bölıstı, dep habarlaidy “Adyrna” tılşısı.
Qazybek İsa Facebook jelısındegı paraqşasynda tıl turaly zaŋ qabyldau qajettıgın aityp, arnaiy jazba jariialady. Ol 2020 jyly Assambleiada elımızdegı barlyq etnos ökılderı «Memlekettık tıldı mındetteu kerek» dep, arnaiy resmi ündeu qabyldaǧanyn aitqan. “Bız endı taǧy kımdı jäne nenı kütıp otyrmyz?!” dep aşynǧan belsendı tıl turaly zaŋnyŋ Keŋes imperiiasynan eş özgermegenın jazyp, “Tıl turaly zaŋda” tıl saiasatyn jüzege asyrudyŋ eşqandai zaŋdylyq tetıkterı aiqyndalmai, naqty şaralary belgılenbegenın jasyrmady.
“Osy Täuelsızdık alǧannan keiın alǧaş qabyldanǧan “Tıl turaly zaŋda” tıl saiasatyn jüzege asyrudyŋ eşqandai zaŋdylyq tetıkterı aiqyndalmai, naqty şaralary belgılenbegen. Al endı odan berı 26 jylda- şirek ǧasyrdan astam bır däuırde qoǧam mülde özgerdı. Qazır ūlttyq sanamyz mülde basqa satyǧa köterıldı. Mıne, osy oraida tıl saiasatyn jürgızudıŋ jaŋa ülgısın jasap, jaŋa Memlekettık tıl turaly zaŋ qabyldau kerek. Sözımız qūrǧaq bolmas üşın
«Qazaqstan Respublikasyndaǧy til turaly» Zaŋynyŋ ömırde ıs jüzınde oryndalmaǧanyn naqty baptaryn sanap otyryp, däleldep bereiık”,-dedı.
Sondai-aq deputat Qazybek İsa är bapqa jeke toqtalyp, tıl märtebesın köterudı ūsyndy.
“Sonymen qatar memlekettık tıldıŋ märtebesıne qatysty QPK-nıŋ 30-baby, ÄQBtK-nıŋ 738- baby boiynşa da Qazaqstanda qylmystyq, äkımşılık qūqyq būzuşylyq turaly ıster boiynşa ıs jürgızu tılı qazaq tılınde jürgızıledı, sot ısın jürgızu de memlekettık tılde jürgızıluı kerek.
Būl da 30 jylda oryndalmaǧan zaŋ. Iаǧni, bır sözben aitqanda, Qazaqstan Respublikasynyŋ tıl turaly zaŋnamasy eldıŋ ümıtın joiǧan «jansyz», ölı zaŋ. Sondyqtan būl «Qazaqstan Respublikasyndaǧy til turaly» zaŋdy saiasi-qoǧamdyq bankrot dep jariialau qajet! Memlekettık tıldı mındetteitın Memlekettık tıl turaly zaŋ qabyldauǧa tiıspız!”,-dep ündeu jasady.
Ūqsas jaŋalyqtar
"Er jıgıttıŋ jaramas jylaǧany". Änşı Töreǧali bostandyqqa şyqqannan keiın alǧaş ret jazba jariialady
