Qazaqstanda 340 myń kópbalaly otbasy bar, ákimdikterde 31 myń otbasy turǵyn úıge muqtaj retinde tirkeýde tur
Memleket óńirlerge kópbalaly otbasylar úshin jaldamaly baspana salýǵa jáne satyp alýǵa jyl saıyn 50 mıllıard teńgeden bólýdi josparlap otyr. Osylaısha, jyl saıyn alty myń, 2025 jylǵa deıin 40 myń kópbalaly otbasy baspanamen qamtylady.
Birinshi mamyrda 249 otbasy baspana aldy, dep habarlady ındýstrııa jáne ınfraqurylymdyq damý birinshi vıe-mınıstri Qaıyrbek Óskenbaev. Mamyrda 1 316 kópbalaly otbasyny baspanamen qamtý, 2019 jyly 7 145 páter berý josparlanǵan.
Páterler satyp alý quqyǵymen de beriledi. Kópbalaly otbasylar satyp alý quqyǵynsyz jaldamaly páterlerde ómir boıy tura alady, degenmen olar baspanadan aıyrylyp qalmaý úshin jaldaý shartynyń barlyq talabyn oryndaýy kerek.
"Qandaı jaǵdaıda úıden shyǵarylady? Eger alty aı ishinde jalaqysy men kommýnaldyq tólemderdi tólemese, eger múlikti qasaqana búldirse jáne kórshiler shaǵymdansa, eger páter dúkenge nemese qonaqúıge qaıta jabdyqtalsa, eger otbasy páter alyp, baspanany jalǵa bergisi kelse, memleket buǵan jol bermeıdi. Otbasy páter (basqa) alǵan jaǵdaıda, ol kóshýi tıis", - dep túsindirdi Óskenbaev úkimettegi brıfıngte.
Sputnik
