Ázirbaıjan áskeri Rýben Vardanıandy Taýly Qarabaqtan Armenııaǵa ketpek bolǵan sátinde qolǵa túsirdi. Mıllıarder Vardanıan Taýly Qarabaq «úkimetin» aqpan aıynyń sońyna deıin basqardy, dep habarlaıdy "Adyrna".
Sársenbi, 27 qyrkúıekte Ázirbaıjan shekara qyzmeti ustalǵan burynǵy «premer-mınıstrdiń» sýretin jarııalady. Vedomstvonyń málimetinshe, Vardanıan Bakýge jetkizilip, «tıisti sheshim qabyldaý úshin Ázirbaıjannyń memlekettik organdaryna» tapsyrylǵan.
Buǵan deıin Vardanıannyń ustalǵany týraly onyń áıeli Veronıka Zonabend habarlaǵan. «Búgin tańerteń meniń kúıeýim, meenat, kásipker jáne Arah Respýblıkasynyń (Taýly Qarabaq respýblıkasy - red.) burynǵy premer-mınıstri Rýben Vardanıan myńdaǵan basqa adamdarmen birge Arahty tastap ketpek bolǵan kezde shekarada Ázerbaıjan bıligi tutqyndap, qolǵa túsirdi», - dedi ol. Zonabend Vardanıannyń Armenııamen shekarada Ázirbaıjan baqylaý-ótkizý pýnkti ornalasqan Akarı kópirinen ótip bara jatqanda ustalǵanyn túsindirdi.
