Qytaida ötıp jatqan HIH jazǧy Aziia oiyndarynda Qazaqstan qūramasy 31-şı jüldenı qanjyǧalady, dep habarlaidy “Adyrna”.
1 qazan, jeksenbınıŋ taŋynda jeŋıl atletikadan qazaqstandyq Olga Safronova finalǧa öttı. QR Turizm jäne sport ministrlıgınıŋ mälımetıne süiensek, O. Safronova 200 metr qaşyqtyqty 22.79 sekundta jügırıp ötıp, finalǧa 4-şı nätijemen şyqty.
Aziia oiyndarynda baidarka jäne kanoe esuden Qazaqstan qūramasynyŋ müşelerı finalǧa joldama aldy. Atap aitqanda, 200 metr qaşyqtyqqa kanoede esuden Mariia Brovkova 52.530 uaqytpen ırıkteu kezeŋınde 1-oryn alyp, finalǧa şyqty. 500 metr qaşyqtyqqa baidarkada esuden Anastasiia Berezovskaia 2:06.783 uaqytpen 2-orynǧa tūraqtap, aqtyq kezeŋge öttı.
Stend atudan trap baǧdarlamasy boiynşa komandalyq saiysta Qazaqstannyŋ äielder qūramasy 3-orynǧa ie bolyp, qola medaldı qanjylady.
Qazaqstandyq Bekädıl Şaimerdenov küres sportynyŋ qūraş türınen kümıs medal jeŋıp aldy. 81 kelıge deiıngı salmaq därejesındegı finaldyq beldesude otandasymyz özbekstandyq Ümid Esanovqa ese jıberıp aldy.
Stend atu boiynşa Qazaqstan komandasynyŋ ökılı Mariia Dmitrienko Hanchjouda ötıp jatqan Aziia oiyndarynda üşınşı oryn ielendı. Ol trap sanatynda 34 ūpai jinap, «qolany» oljalady.
Turizm jäne sport ministrlıgınıŋ mälımetınşe, bokstan 1/2 finalda qazaqstandyq sportşy Saǧyndyq Toǧambai «qolaǧa» qanaǧat ettı.
Al Natalia Bogdanova 66 kelıge deiıngı salmaq därejesınıŋ şirek finalynda Moŋǧoliia ökılı Sesegdari Miagmarsurenmen jūdyryqtasyp, töreşılerdıŋ bırauyz şeşımımen jeŋıske jettı.
XIX jazǧy Aziia oiyndarynda su dobynan Qazaqstan äielder qūramasy törtınşı kezdesuınde Özbekstannan basym tüsıp, qola jüldege ie boldy.
Ökınışke orai Qytaida ötıp jatqan Aziia oiyndarynyŋ boks turnirınde Qazaqstan qūramasynan Ertuǧan Zeinullinov jarys jolyn aiaqtady.
Eske salaiyq, Hanchjouda Aziia oiyndary 23 qyrküiek - 8 qazan aralyǧynda ötude.
Aita keteiık, osy uaqytta el qūramasynda 31 medal bar – 3 altyn, 5 kümıs jäne 23 qola.Ūqsas jaŋalyqtar
