29 qyrkúıek kúni Tájik oppozıııasynyń Eýropadaǵy ókilderi Berlınde akııaǵa shyqqan soń Tájikstan qaýipsizdik organdary olardyń týystaryn qamaýǵa alyp, tergegen. Oppozıııa belsendileri Ortalyq Azııa respýblıkalarynyń basshylary Berlınge kelgende akııa ótkizip, Tájikstan prezıdenti Emomalı Rahmonnyń rejımine qarsy uran kóterip, kortejine jumyrtqa laqtyrǵan. Bul týraly “Ozodı” radıosy jarııalady, dep habarlaıdy “Adyrna” ulttyq portaly.
Aqparatqa sáıkes, Eýropada turatyn belsendi Sharofıddın Gadoevtiń 74 jastaǵy anasyn jeksenbi kúni tańerteń Hatlon oblysynyń qaýipsizdik qyzmetkerleri úıinen alyp ketken.
Anamdy áketkende balań nege tynysh júrmeıdi, prezıdenttiń máshınesine nege jumyrtqa laqtyrady, dep suraǵan deıdi Gadoev.
Taǵy bir belsendi Farhod Odınaev Gıssar qalasyndaǵy nemere inisin polıııa áketken, sol kúıi habar bolmaǵan.
Áýeli kári anamdy áketkileri kelgen, biraq inimmen toqtapty. Meniń de anama balań prezıdentke nege jumyrtqa laqtyrady degen suraq qoıǵan, - deıdi Odınaev.
Sondaı-aq, Tájikstan soty "ekstremıstik uıym" dep tyıym salǵan "Top 24" oppozıııalyq uıymy Berlınde akııaǵa qatysqandardyń keminde beseýiniń týystary Tájikstanda qamalǵanyn habarlaǵan.
