Basynan bastaiyq. Biylǧy nauryz meiramy, qazaqtyŋ Jaŋa jyly şynynda da däl osylai jaŋaşa bastalady dep eşkım de oilaǧan joq. Elbasynyŋ būl saiasi jürısın şetelder de qazaqstandyqtar da kütken joq edı. Köpşılıkke, basqa da elderge būl kenetten bolǧandai körındı. Tıptı aqparat qūraldary «Būǧan deiın eldı otyz jylǧa juyq basqaryp kelgen N.Nazarbaev biyl nauryzdyŋ 19-y künı kenetten mälımdeme jasap...» dep jazyp jatty.
Elbasy būndai mälımdemenı kenetten jasady degen kımde kım bolsa da qatty qatelesedı. Būlai dep oilaǧandar N.Nazarbaevtyŋ qandai saiasatker ekenın tıptı de bılmeidı degen söz. Elbasy N.Nazarbaev Q.Toqaevqa tızgındı beruı bır künnıŋ nätijesı emesı anyq, ūzaq uaqyttyq ekeuara daiyndyqtyŋ nätijesı.
Elbasy nege Qasymjomart Toqaevty taŋdady? Demek N.Nazarbaev Q.Toqaevty uaqytşa emes, naǧyz zaŋdy prezident retınde taŋdaǧan. Jäne de Q.Toqaevtyŋ kezektı prezidenttık sailaudy kütpei kezekten tys sailaudy jariialauy da aldyn ala oilastyryluy äbden mümkın.
Turasyn aitu kerek. Būl prezidenttık sailau ümıtkerlerge syilyq boldy. Elbasy Qasymjomart Toqaevqa prezident bolǧan sätte qazırgı ümıtkerlerıŋ bırde-bırı būlai bolady dep oilamaǧany anyq. Sebebı eldı bilegısı keletın adam alystan oilap öz äreketın jasaidy. Qazırgı ümıtkerlerdıŋ eşqaisysy oilamaǧan jaǧdai.
Qalai bolǧanda da būl sailaudyŋ jariialanuy prezidenttıkten ümıtkerlerge tosynsyi boldy. Olar būl sailauǧa daiyn emes ekenı bırden körındı. Sebebı naǧyz saiasatker būndai jaǧdaidyŋ boluyn aldyn ala boljap daiyndyq jürgızer edı.
Būndaidy boljau mümkın emes der keibıreuler. Bıraq naǧyz saiasatker bolaşaqta el basqarudan ümıtı bolsa şahmattaǧydai bırneşe qadam alǧa oilauy kerek emes pe?
Bıraq ondai bolamaǧanyn men ümıtkerlerdıŋ kımder ekenın bılgende tüsındım. Men saiasattan öte alys janmyn. Degenmen «Sen saiasatpen ainalyspasaŋ, saiasat senımen ainalysady» degen söz bar ekenın baiaǧydan bıletınmın. Sondyqtan elde jäne älemde ne bolyp jatqanynan ärdaiym habardar bolyp jüremın.
Sonymen prezidenttık sailauǧa qatysqysy keletınder turaly būqaralyq aqparat qūraldarynan qarap otyrsam ümıtkerlerdıŋ bırı de bükıl Qazaqstanǧa keŋınen tanymal deuge kelmeidı eken. Ärine, aty atalyp jürgender bar. Bıraq olar da saiasattyŋ, el basqarudyŋ ne ekenın jete bıledı deu qiyn.
Sonymen ūiqysynan jaŋa oianǧandar ne ıstei aluşy edı? Apyl-ǧūpyl bırdemeler ısteuge tyrysar. Bıraq asyǧys tırlıktıŋ nätijesı «şäugım qaşan qainar eken» dep qaqpaqty aşa bergen küieuge tigısı keletın qyzdyŋ tırlıgındei ǧoi.
Berdaly OSPAN.
