Sársenbi kúngi joldanǵan dinge qatysty depýtattyq saýaldarǵa QMDB jaýap berdi. Olar qazirgi tańdaǵy dinı ahýalǵa qatysty statıstıkalyq málimdeme jasady, dep habarlaıdy "Adyrna" portaly. Bul týraly Facebook jelisinde QMDB baspasóz hatshysy Aǵabek Qonarbaıuly jazdy.
Dinı basqarma depýtattyq saýal joldaǵan depýtattardyń negiz qoıǵan máseleleri qaraýda ekenin málimdedi. Jyl basynan beri múftııat bes baǵyt boıynsha jumystarǵa basymdyq beretinin jarııalady. Olar – din men dástúr, izgi qoǵam, ıhsan jáne nasıhat, dinı oqý-aǵartý, jat dinı aǵymdardan saqtandyrý.
Ár baǵyt boıynsha jasalyp jatqan jumystardyń sandyq nátıjesimen bólisti ol.
Sonyń ishinde jat dinı aǵymdardan saqtandyrý baǵyty boıynsha túrli sharalardyń júzege asyp jatqanyn jazdy:
"Jat dinı aǵymdardan saqtandyrý baǵyty. Jastardy destrýktıvti dinı aǵymdardyń teris ıdeologııasynan saqtandyrý – Qazaqstan musylmandary dinı basqarmasynyń negizgi jumys baǵyttarynyń biri. Bul – barlyq múftıden beri jalǵasyp kele jatqan asyl mindet. Múftııattyń dinı ońaltýǵa jaýapty mamandary ótken jyly qoǵamdyq oryndar men túzeý mekemelerinde 9928 jeke yqpal etý akııalaryn (jeke kezdesýler) júzege asyrdy. Jumys nátıjesinde jalpy 1477 adamǵa oń yqpal jasaldy. Atap aıtqanda, 773 adam qazaqstandyq qoǵam qundylyqtaryna beıimdeldi jáne 704 adam destrýktıvti dinı aǵym ıdeologııasynan bas tartty" delingen málimdemede.
