Tolyq emes otbasylar jäne dın.
Juyqta Almaty qalasynda dın mäselelerı boiynşa aqparattyq-tüsındıru tobynyŋ müşelerıne därıs oqydym.
Tyŋdauşylardyŋ ǧylymi-sarapşylyq deŋgeiı joǧary: bılıktı mamandar men ǧalymdar tartylǧan.
Talqylau da qyzyqty öttı. Oiǧa oi qosyldy, türlı tūjyrymdar men paiymdar aityldy.
Aitylǧan paiymdardyŋ ışınde mynadai pıkır erekşe oi saldy: terıs dıni aǧymǧa ketuşılerdıŋ arasynda tolyq emes otbasynan şyqqandar köp eken.
Şynymen, oilanyp qarasaq, tolyq emes otbasylar (negızınen ajyrasqan otbasylar) - ūrpaqtar sabaqtastyǧy jetkılıktı qamtamasyz etılmegen otbasylar.
Ūrpaqtar sabaqtastyǧyna qarai otbasynyŋ ekı tipı bar: dästürlı otbasy ("ata - äke - bala" ūrpaqtar sabaqtastyǧy bar) jäne nuklearlyq, iaǧni, şaǧyn otbasy ("äke - bala" ūrpaqtar sabaqtastyǧy).
Dästürlı otbasyndaǧy bala ärtürlı äleumettık rölderdı ielenedı: bala, nemere, qainy (baldyz), ını (qaryndas), t.b. Är röldıŋ aiasynda bala sol rölge tän mınez-qūlyq ülgılerın igeredı, özınıŋ türlı sūranystaryn qanaǧattandyrady: ata-äjesınen aqyl men meiırım alady, erkelıgın şyǧarady, äkesı men şeşesınen üirenedı, ışındegı syryn jeŋgesımen bölısedı, aǧasynan (äkesınıŋ ınısınen) jıgıttıktıŋ alǧaşqy sabaqtaryn alady, psihologiialyq keŋes sūraidy, tuystardyŋ qarjylyq-materialdyq qoldauyna ie bolady, t.s.s. Äleumettık rölderdıŋ keŋdıgı balany jan-jaqty äleumettendırıp, erteŋgı ülken ömırındegı türlı qarym-qatynastarǧa daiyndap şyǧarady.
Nuklearlyq otbasynda ondai mümkındık şekteulı: rölder şekteulı, tuystyq şeŋber tar, meiırım men qoldau jetkılıktı emes.
Al tolyq emes otbasynda jaǧdai tıpten kürdelı: qarym-qatynas pen qamqorlyq aiasy öte tar.
Talgat Zhakiyanov
Ūqsas jaŋalyqtar
