Elimiz egemendigin alǵanda qoǵamdaǵy dinniń róli aıqyndalǵan bolatyn. San ǵasyrlyq mádenıetimiz ben salt-dástúrimizdi, ulttyq qundylyǵymyzdy ıslam dinimen sabaqtastyrǵan ata-baba joly boıynsha zaıyrly memleketemizde adam qundylyǵy men bostandyǵy, onyń dinı nanym-senimine erkindik berilgen.
Desede búgingi tańda zaıyrly qoǵamnyń óz maqsat-múddesine qaıshy áreket júrgizip jatqan jat aǵymdardyń keıbir áreketteri ultymyzdyń qaýipsizdigine qaýip tóndiretin áreketterge baryp jatqany shyndyq.
Zaıyrly memlekette dinniń orny qandaı bolýy kerek? Din qoǵamdaǵy adam sanasyn durys baǵytta qalaı qalyptastyryp, tárbıeleı alyp jatyr? Zaıyrly qoǵamnyń shynaıy sıpaty qandaı bolýy kerek? Osy suraqtar kóptiń kókeıinde júrgeni jasyryn emes.
Din – adamzat balasyn bir-birine meıirimmen qarap, tazalyqty, ımandylyqty nasıhattaıtyn úlken qural. Qazirgi qoǵamda shyndyǵyna kelgende dinniń atyn jamylǵandar eldiń tynyshtyǵy men birligine syzat túsirýdi kózdeıtin pıǵyldarǵa kóshti. Bul zaıyrly memleket úshin asa qaýipti qubylys. Zaıyrly qoǵamnyń sıpatynda memlekettiń halqyn uıystyryp, ulttyq múddege jumys jasaýǵa úndeıtin basty tetik – saýattylyq pen bilim.
Bizdiń qazirgi memleketimiz azamattardyń bilim alýyna barynsha kóńil bólip otyr. Jalpy orta bilim beretin mektepter men kolledj, ýnıversıtetterdiń bilim berýdegi sapasyn arttyrýda arnaıy baǵdarlamalar qabyldanýda. Alaıda kóp jaǵdaıda keıbir aýyl, aýdandarda bilim oshaqtarynyń jetispeýshiligi seziledi. Arnaıy kásibı baǵdarǵa baǵyttalǵan kolledjderdiń, joǵarǵy oqý oryndarynyń sanyn da neǵurlym kóbeıte túsken jón. Dinı saýattylyqty qalyptastyrý tetigi dep tek meshitterdiń sanyn kóbeıtýge mán berý qazirgi kúni asa qajetti bolmaýy múmkin ekendigin baǵamdaǵan jón.
HHI ǵasyr ozyq tehnologııa men ınnovaııany damytatyn dáýir ekenin eskersek, tek dinı ǵımarattarmen salystyrǵanda zaıyrly qoǵamda alǵa qaraı jyljýdy maqsat tutatyn jastardy qoldaıtyn bilim oshaqtarynyń kóp bolǵany qoǵam úshin paıdaly.
Zaıyrly memlekettiń óz zańy, qadir tutar qundylyqtary bar. Mundaǵy basty qundylyq adam bolsa, onyń sol elde zamanǵa saı bilim alyp, damýy negizgi qaǵıda bolyp sanalady. Biz osyny eskerýimiz qajet. Ulttyq múddemen astasqan jaǵdaıda ǵana zaıyrly qoǵamnyń óz qaǵıdattary júzege asatynyn umytpaǵan abzal.
Tarıhta dinı ekstremıstik uıymdardyń kesirinen qanshama memlekettiń kúırep, joıylyp ketkeni belgili. Din atyn jamylǵan teris pıǵyldy mıssıonerler eldiń arasyna iritki salyp, ultty ydyratýdyń áreketterin josparlaıdy.
Sol arqyly ózin zaıyrly dep tanyǵan eldiń bereke-birligin buzady. Bul ekstremıstik aǵymdardyń áreketi zaıyrly qoǵamdaǵy dinniń shynaıy kelbeti bolyp tabylmaıdy. Osyny qaperimizde ustanǵan jón bolar, aǵaıyn!
