Ūlttyq ūlan äskeri qyzmetşısınıŋ qazasyna bailanysty IIM mälımdeme jasady, dep habarlaidy «Adyrna» ūlttyq portaly.
«Osy fakt boiynşa Ortalyq öŋırlık äskeri-tergeu basqarmasy özın-özı öltıruge deiın jetkızu faktısı boiynşa sotqa deiıngı tergep-tekserudı bastady, ony tergeu täjıribelı qyzmetkerlerden qūrylǧan jedel-tergeu tobyna tapsyryldy. Qazırgı uaqytta oqiǧa orny qaralyp, sot-medisinalyq saraptamasy taǧaiyndaldy. Aiǧaqtar, atap aitqanda qaza tapqan äskeri qyzmetşınıŋ ūialy telefony men beinebaqylau kameralarynyŋ jazbalary alyndy. Tergeu barysynda qatardaǧy Sūltanovtyŋ oqiǧa ornynda jalǧyz bolǧany anyqtaldy. Oqiǧanyŋ barlyq män-jaiyn anyqtau jäne tergeudıŋ jan-jaqtylyǧyn qamtamasyz etu üşın Sūltanovtyŋ äskeri ärıptesterınen, onyŋ komandirlerınen, basqa adamdardan jauap alu, sondai-aq tiıstı keşendı saraptamalyq zertteu şaralary jürgızılude. Jäbırlenuşı jaqtyŋ uäjderı de tolyq tekserıledı. Aldyn-ala tergeu nätijelerı boiynşa oqiǧaǧa qūqyqtyq baǧa berıledı. Tergeu barysy erekşe baqylauda», – dedı QR IIM äskeri-tergeu departamentınıŋ bastyǧy Serıkbai Qūsaiynov.Būdan özge aqparat tergeu müddesınde Qylmystyq-prosestık kodekstıŋ 201-babyna säikes jariia etılmeidı. Eske salsaq, 9 qazanda tüngı saǧat 01:00-de Ūlttyq ūlan 6636 äskeri bölımınıŋ merzımdı äskeri qyzmetkerı qatardaǧy Sūltanov kezekşı bölımşenıŋ qūramynda bola tūra, bekıtılgen ştattyq qarumen özın-özı bastan atyp, qaza tapqanyn jazǧan edık.
Ūqsas jaŋalyqtar
