Äleumettık jelıde taraǧan videoda sarbazdy poiyz tamburynda ūrǧan er adamnyŋ kım ekenı anyqtaldy, dep habarlaidy "Adyrna" ūlttyq portaly.
Memleket basşysy Ūlttyq ūlan sarbazyn ūryp-soqqan videonyŋ män-jaiyn anyqtaudy tapsyrǧan edı.
Belgılı bolǧandai, oqiǧa 2023 jyldyŋ küzınde, qyzmet merzımı aiaqtalǧannan keiın zapasqa şyǧarylǧan merzımdı äskeri qyzmetşıler üige oralǧan kezde tüsırılgenı anyqtaldy.
“Osy fakt boiynşa 2024 jylǧy 23 qyrküiekte Qazaqstan Respublikasy Qylmystyq kodeksınıŋ 440-baby 1-bölıgı "Äskeri qyzmetşiler arasynda baǧynyştylyq qatynastar bolmaǧan kezde olardyŋ arasyndaǧy özara qarym-qatynastardyŋ jarǧylyq qaǧidalaryn būzu" boiynşa qylmystyq ıs qozǧaldy”,- dep habarlady IIM.Barlyq qatysuşy, atap aitqanda, kuäger, jäbırlenuşı jäne küdıktıler anyqtaldy. Küdıktılerdı ūstauǧa baǧyttalǧan şaralar qabyldanyp jatqany aityldy.