Dúnıejúzi qazaqtarynyń «Otandastar» forýmy atty kezekti basqosýy ótip jatyr, dep habarlaıdy "Adyrna" portaly El.kz aqparat agenttigine siltep.
Forým – sheteldegi etnıkalyq qazaqtarmen ózara baılanysty jetildirý jáne olardy elimizdiń turaqty damýyna úlesin qosý joldaryn qarastyratyn jańa formattaǵy basqosý alańy.
Forýmǵa sheteldegi 200-den astam qazaq uıymdarynyń basshylary, belsendi jáne tanymal tulǵalarmen qatar, otandyq ǵylym, bilim, mádenıet, sport, bıznes, medıa, saıasat, qoǵamdyq uıymdar jáne basqa da salalardyń kórnekti ókilderi men belgili qaı̆ratkerleriniń qatysyp jatyr.
Forýmnyń maqsaty – sheteldegi qazaq uıymdarymen ózara túrli yntymaqtastyq máselelerin talqylaý; elimizdiń jańa kezeńdegi memlekettik saıasatymen jáne saıası-ekonomıkalyq reformalarymen, sondaı-aq ulttyq rýhanııatqa qatysty zamanaýı trendtermen tanystyrý, sheteldegi qazaqtardy qoldaýda Qazaqstannyń júrgizip otyrǵan saıasaty, sheteldegi qazaq jastaryn Qazaqstanda sapaly bilim alý jáne óz qabiletterin iske asyrý, sondaı-aq elge kóship keletin qandastarǵa memleket tarapynan qabyldanyp jatqan qoldaý sharalary týraly aqparattandyrý.
Forým aıasynda «El damýyndaǵy qandastardyń róli», «Otandastardyń ıntellektýaldyq áleýeti – ulttyq qundylyqtardy ilgeriletý draıveri», «XXI ǵasyrdaǵy qazaq tili jáne búgingi múmkindikteri», «Medıa jáne zamanaýı trendter» taqyryptary boıynsha sessııalar jáne «Otandastar Qory» KeAQ jańa jobalar tusaýkeseri men «Taıqazan» forýmynyń qorytyndy sessııasy ótip jatyr.
«Otandastar» qorynyń prezıdenti Abzal Saparbekulynyń aıtýynsha, 40-qa jýyq memleketten delegattar keldi.
40-qa jýyq memleketten 200-ge jýyq delegat keldi. Bul forým ekinshi ret ótip otyr. Buǵan deıin 2019 jyly ótken. Forýmnyń basty ereksheligi – aýqymdylyǵy, delegattar sanynyń kóptigi, - dedi ol.
Sondaı-aq ol forým tórt sessııa aıasynda ótip jatqanyn aıtty.
