Aşǧabat meşıtterınde jūma küngı uaǧyz-nasihat kezınde imamdardyŋ prezident Gurbanguly Berdımūhamedovtı süiuge şaqyryp, qūdaidan oǧan myqty densaulyq pen ūzaq ömır tıleuı - üirenşıktı qūbylys. Azattyqtyŋ Türkımen qyzmetı tılşılerınıŋ aituynşa, endı meşıtterde "uaǧyz-nasihatqa prezidenttıŋ jaularyn" da qosa bastaǧan.
Azattyqtyŋ Türkımen qyzmetınıŋ tılşılerı ötken jūma küngı uaǧyz-nasihatqa qatysyp, imamdardyŋ prezidenttı madaqtap qana qoimai, onyŋ jaularyna laǧynet aitqanyn da kördı.
"Alla ony barlyq bäle-jalalardan saqtasyn jäne dūşpandary aiaǧyna kelıp jyǧylsyn".
Azattyq tılşılerı mamyrdyŋ 17-sı künı aitylǧan imamdardyŋ uaǧyz-nasihatynan osylaişa üzındı keltıredı.
"Jūma namazy aiaqtalǧannan keiın bolatyn uaǧyz-nasihat kezınde imam prezidenttı madaqtai bastady. Ol Arqadaǧtyŋ kemeŋger saiasatynyŋ arqasynda eldıŋ barlyq jetıstıkke qol jetkızıp, azamattardyŋ baqytty ömır sürıp jatqanyn aitty. Paiǧambardyŋ öz otanyn süigenı tärızdı Arqadaǧ pen öz elın jaqsy köruge şaqyrdy" dedı aty-jönın aitpaǧan Azattyq tılşısı.
Türkımenstan prezidentı Gurbanguly Berdımūhamedov.
İmam sonymen bırge qasiettı Ramazan aiy kezınde "barşa azamat qūdaidan Türkımenstan ärı qarai da dami bersın" dep tıleuı tiıs degen.
"İmam qūdaiǧa syiynyp, prezident Gurbanguly Berdımūhamedovke myqty densaulyq jäne ūzaq ömır beruın sūrady. Alla barlyq bäle-jaladan saqtap, onyŋ dūşpandary men qarsylastaryn jazalasyn dep aitty" deidı tılşı.
Onyŋ aituynşa, meşıtte adam köp bolǧan jäne jūma namazyna kelgenderdıŋ köbı dındı bilıktıŋ ügıt-nasihat qūraly retınde paidalanyp jatqanyna narazy bolǧan.
"İmam saiasi mälımdemeler aita bastap edı, köbı "taǧy da bastaldy" dep bır-bırıne sybyrlady. Adamdar "barlyq problema men qiyndyqtar sol Arqadaǧtyŋ arqasynda" destı" dedı Azattyq tılşısı.
Ol meşıt qabyrǧasynyŋ syrtynda "Türkımenstan - baqyt pen güldenu ordasy" degen jazuy bar ülken banner ılınıp tūrǧanyn da aitty.
"Azattyq" radiosy
