Memleket basşysy Qasym-Jomart Toqaevtyŋ tapsyrmasy boiynşa Mäjılıs deputattary, «AMANAT» partiiasy fraksiiasynyŋ müşelerı «Zaŋsyz iemdelıngen aktivterdı memleketke qaitaru jönındegı» Zaŋ äzırledı. Onyŋ oryndalu barysy bügın «AMANAT» partiiasynyŋ baspasöz ortalyǧynyŋ alaŋynda talqylandy.
Özderıŋızge belgılı, Memleket basşysy özınıŋ «Ädılettı Qazaqstan: bärımız jäne ärqaisymyz üşın. Qazır jäne ärdaiym» atty sailaualdy baǧdarlamasynda zaŋsyz alynyp, şetel asyrylǧan aktivterdı elge qaitaru jūmysyn jandandyru qajet ekenın atap öttı. Prezident onyŋ igılıgın bükıl halqymyz köretının mälımdedı.
Osy oraida, Mäjılıs deputattary, «AMANAT» fraksiiasynyŋ müşelerı tiıstı qūqyqtyq tetıkterdı äzırleu maqsatynda «Zaŋsyz iemdelıngen aktivterdı memleketke qaitaru jönındegı» zaŋ jobasyn jobasyna bastamaşylyq ettı.
«Europalyq qūqyqta azamattyq-qūqyqtyq jauapkerşılık turaly konvensiia bar. Aktivterge ädıl jolmen qol jetkızgenın däleldei almaǧan adamdar mındettı türde jauapqa tartylady. Tıptı, mūndai zaŋsyzdyqqa barǧan adammen eşkım äŋgımelesıp otyrmaidy. Tiısınşe, zaŋ būzǧan adam jasalǧan qylmystyŋ merzımı ötıp ketkenıne qaramastan jauapkerşılıkten qūtyla almaidy. Zaŋ barlyq ozyq ädıstemelerge, halyqaralyq şarttarǧa, Konstitusiiaǧa tolyq säikes keledı. Būǧan qosa, bırneşe zaŋǧa ılespe özgerıster engızıldı», – dedı Mäjılıs deputaty Marat Bäşımov.
Halyq qalaulysy aktivterdı qaitaru jūmysy aiasynda barlyq aqparat közderınıŋ mälımetterı, onyŋ ışınde «AMANAT»-tyŋ qoǧamdyq qabyldau bölmelerı, partiialyq baqylau komitetı, BAQ jäne azamattyq qoǧam habarlamalary eskerıletının jetkızdı. Sondai-aq, ol atalǧan Zaŋnyŋ qabyldanuy küdıktılerge tiesılı bank salymdaryn zertteu prosesın aitarlyqtai jeŋıldetkenın atap öttı.
«Osy uaqytqa deiın bank qūpiiasyn zerttep-zerdeleu mümkın bolmap edı. Al endı jeke tūlǧalardyŋ aktivıne tergeu amaldaryn jürgızu kezınde bank salasynda aşyqtyq boluy üşın zaŋǧa arnaiy norma engızıldı. Men 17 jyldan berı «Chelovek i zakon» gazetınıŋ bas redaktory qyzmetın atqaryp kelemın. Būǧan deiın osyndai baspasöz mäslihatyn ötkızu jäne mūndai taqyryptardy aşyq talqylau mümkın emes edı. «AMANAT» partiiasy atalǧan zaŋǧa bastamaşylyq etu arqyly halyqtyŋ ümıtın aqtap, būryn-soŋdy bolmaǧan aşyqtyqty qamtamasyz etıp otyr», – dedı deputat.
Bas prokuraturanyŋ Aktivterdı qaitaru jönındegı komitetı kırısınıŋ zaŋdy jolmen kelgenın rastauy tiıs tūlǧalardyŋ tızımın jasaidy. Būl turaly Ädılet vise-ministrı Alma Mūqanovaaitty.
«Bız jauapty memlekettık qyzmetkerler men mansabyn, yqpalyn paidalanu arqyly aktiv jinaǧan äkımşılık yqpaly bar adamdar turaly aityp otyrmyz. Sondai-aq, ülestes tūlǧalardyŋ da tızımı jasaldy. Iаǧni, küdıktılerdıŋ tuystary men mülıktıŋ nominaldy ielerı nazarǧa alynady. Būdan soŋ tızım aktivterdı qaitaru jönındegı komissiiaǧa ūsynylady. Tızım jabyq türde berıledı. Sebebı kınäsızdık prezumpsiiasy baryn da eskeru qajet. Mäselen, belgılı bır kompaniianyŋ aksionerı atalǧan tızımge engızıledı delık. Eger atalǧan tūlǧanyŋ esımı aşyq aitylatyn bolsa, onyŋ aksiialary memleketke berılgenge deiın qūnsyzdanyp ülgeredı. Iаǧni, onyŋ aktivterı qūnyn joǧaltyp almauy kerek», – dedı ol.
Vise-ministrdıŋ aituynşa, tızımge engen tūlǧaǧa habarlama joldanady. Öz kezegınde, ol aktivterı men kırıs közderı turaly deklarasiia ūsynuy tiıs. Deklarasiia tekserılgennen keiın Aktivterdı qaitaru jönındegı komissiia naqty qandai aktivterge qatysty talap qoiu kerektıgı turaly şeşım qabyldap, azamattyq sotqa jügınedı.
Öz kezegınde, Sybailas jemqorlyqqa qarsy ıs-qimyl agenttıgınıŋ sotqa deiıngı tergep-tekseru qyzmetınıŋ basşysy Qanat Süleimenov 2022 jyldan berı atalǧan agenttık Qazaqstanda zaŋsyz iemdelıngen aktivterdıŋ 856 mlrd teŋgesın qaitarǧanyn aitty. Onyŋ ışınde şetelden qaitarylǧan qarajat qana emes, sonymen qatar jyljymaityn mülık te bar.
«Sybailas jemqorlyqqa qarsy qyzmet 2022 jyldan bastap bügıne deiın 856 mlrd teŋgenı qaitardy. Mäselen, ükım şyǧarylǧan ÖKM Operatorynyŋ ısı boiynşa 180 mlrd teŋge qaitaryldy. Aqşanyŋ bır bölıgı jeŋıldıkpen avtonesie beruge jūmsaldy. Būl qarajattyŋ barlyǧy äleumettık qajettılıkterge jūmsalady. Jyl soŋyna deiın taǧy 180 mlrd teŋgenı qaitarudy josparlap otyrmyz», – dedı ol.
Zaŋnyŋ oryndaluy jäne Bas prokuraturanyŋ däl qazırgı jūmysy turaly Bas prokuraturanyŋ Halyqaralyq-qūqyqtyq yntymaqtastyq qyzmetı basqarmasynyŋ aǧa prokurory Ainūr İbraeva aityp berdı. Onyŋ aituynşa, bırqatar zaŋǧa täueldı normativtık-qūqyqtyq aktıler äzırlendı. Onda aktivterdı qaitaru turaly Zaŋnyŋ qoldanylu tetıkterı naqtylandy.
Eske sala keteiık, Mäjılıs deputattary, «AMANAT» partiiasy fraksiiasy müşelerınıŋ bastamasymen «Zaŋsyz iemdelıngen aktivterdı memleketke qaitaru jönındegı» Zaŋ äzırlendı. Oǧan biyl 12 şıldede Memleket basşysy qol qoidy. 2023 jyly 5 qazanda Qasym-Jomart Toqaev Qazaqstan Respublikasy Bas prokuraturasynyŋ qūramynda Aktivterdı qaitaru jönındegı komitet qūru turaly Jarlyqqa qol qoidy.
