Qazaqstandyq käsıpqoi boksşy Jänıbek Älımhanūly qarsylasyn nokautpen jeŋdı, dep habarlaidy "Adyrna" tılşısı Qazaqparat agenttıgıne sılteme jasap.
Otandasymyz IBF nūsqasy boiynşa älem chempiony atanǧan Vinchenso Gualterimen tartysty bäsekede qarsylasyn nokautqa jıberdı.
Rozenberg qalasynda ötken bylǧary qolǧap saiysynda 30 jastaǧy Jänıbek Älımhanūly alǧaşqy raundtarda basymdyq tanytyp, qarsylasyn soqqylarymen eseŋgıretken. 12 raundqa josparlanǧan kezdesu 6-raunda aiaqtaldy. Sebebı Gualteri qazaqstandyq sportşyǧa qarsylyq tanyta almady, Sondyqtan töreşı jekpe-jektı toqtatyp tastady.
Memleket basşysy sportşyny jeŋısımen qūttyqtap, qazaq boks mektebınıŋ joǧary deŋgeide ekenın atap öttı.
"Jänıbek Älımhanūlyn WBO jäne IBF tūjyrymdarynan älem chempiony ataǧy üşın ötken jekpe-jektegı jarqyn jeŋısımen qūttyqtaimyn. Jänıbek qazaq boks mektebınıŋ joǧary deŋgeiı men myqtylyǧyn älemge taǧy da paş ettı. Būl jeŋıs bokspen ainalysatyn jastardy biık belesterdı baǧyndyruǧa yntalandyrady. Sızge zor densaulyq, baq-bereke tıleimın. Jeŋısten jeŋıske jete berıŋız!", - dedı Prezident Qasym-Jomart Toqaev äleumettık jelıdegı paraqşasynda.Jänıbek Älımhanūly germaniialyq sportşymen orta salmaqta bokstasyp, WBO jäne IBF belbeulerın ielendı. Būl jerlesımızdıŋ käsıpqoi bokstaǧy 15-şı jekpe-jegı boldy.
Ūqsas jaŋalyqtar
