Taraz qalasy №2 sotynyń úkimimen Taraz qalasy ákimdiginiń jer qatynastary bóliminiń basshysy jáne burynǵy sektor meńgerýshisi laýazymdyq mindetterin asyra paıdalanǵany úshin sottaldy. Bul týraly oblystyq prokýratýra málim etti, dep habarlaıdy «Adyrna» ulttyq portaly.
Belgili bolǵandaı, memlekettik qyzmetkerlerdiń qylmystyq áreketteri prokýrorlar júrgizgen taldaý barysynda anyqtalǵan.
«Atap aıtqanda, laýazymdy tulǵalar 3,56 gektar aýyl sharýashylyǵy maqsatyndaǵy jer telimin zańsyz tárkilep, ony eki kommerııalyq jalpy aýdany 3,56 gektar jer telimine aıyrbastady. Alaıda memleket múddesi úshin aýyl sharýashylyǵy maqsatyndaǵy ýchaskeni alyp qoıýdyń qajeti joq edi. Sonymen qatar, jer telimderiniń baǵasy teń emes bolǵanyna qaramastan aıyrbastap, memleket múddelerine 121 mln. teńgeden astam somaǵa zalal keltirýge ákep soqtyrdy. Kommerııalyq maqsattaǵy eki ýchaskede 14 shaǵyn aýdanda ornalasqan jáne olardy aýkıonda satý jergilikti bıýdjetke tabys ákeletin edi. Biraq memlekettiń ornyna jeke adamdar paıda tapty: ıaǵnı, aýdany 1,3 gektar bolatyn bir ýchaske avtosalonǵa 93 mln teńgege satylǵan», – delingen habarlamada.
Osy derek boıynsha Taraz qalasynyń prokýratýrasy QR QK 361-baby 3-bóliginiń 4-tarmaǵy boıynsha sotqa deıingi tergep-tekserýdi bastap, tergeý Jambyl oblysy boıynsha Sybaılas jemqorlyqqa qarsy qyzmetke tapsyryldy.
Sot jer qatynastary bóliminiń basshysyn QR QK 361-babynyń 3-bóliginiń 4-tarmaǵy, al burynǵy sektor meńgerýshisin QR QK 361-babynyń 3-bóliginiń 4-tarmaǵy, 24-babynyń 5-bóligi boıynsha kináli dep taýyp, olarǵa memlekettik laýazymdardy atqarý quqyǵynan ómir boıyna aıyra otyryp, ekeýin de 4 jylǵa bas bostandyǵynan aıyrýǵa úkim shyǵardy.
Sot sheshimimen jer ýchaskeleri memlekettik qorǵa qaıtaryldy. Úkim zańdy kúshine engen joq.
«Adyrna» ulttyq portaly
