Taraz qalasy №2 sotynyŋ ükımımen Taraz qalasy äkımdıgınıŋ jer qatynastary bölımınıŋ basşysy jäne būrynǧy sektor meŋgeruşısı lauazymdyq mındetterın asyra paidalanǧany üşın sottaldy. Būl turaly oblystyq prokuratura mälım ettı, dep habarlaidy «Adyrna» ūlttyq portaly.
Belgılı bolǧandai, memlekettık qyzmetkerlerdıŋ qylmystyq äreketterı prokurorlar jürgızgen taldau barysynda anyqtalǧan.«Atap aitqanda, lauazymdy tūlǧalar 3,56 gektar auyl şaruaşylyǧy maqsatyndaǧy jer telımın zaŋsyz tärkılep, ony ekı kommersiialyq jalpy audany 3,56 gektar jer telımıne aiyrbastady. Alaida memleket müddesı üşın auyl şaruaşylyǧy maqsatyndaǧy uchaskenı alyp qoiudyŋ qajetı joq edı. Sonymen qatar, jer telımderınıŋ baǧasy teŋ emes bolǧanyna qaramastan aiyrbastap, memleket müddelerıne 121 mln. teŋgeden astam somaǧa zalal keltıruge äkep soqtyrdy. Kommersiialyq maqsattaǧy ekı uchaskede 14 şaǧyn audanda ornalasqan jäne olardy auksionda satu jergılıktı biudjetke tabys äkeletın edı. Bıraq memlekettıŋ ornyna jeke adamdar paida tapty: iaǧni, audany 1,3 gektar bolatyn bır uchaske avtosalonǧa 93 mln teŋgege satylǧan», – delıngen habarlamada.Osy derek boiynşa Taraz qalasynyŋ prokuraturasy QR QK 361-baby 3-bölıgınıŋ 4-tarmaǧy boiynşa sotqa deiıngı tergep-tekserudı bastap, tergeu Jambyl oblysy boiynşa Sybailas jemqorlyqqa qarsy qyzmetke tapsyryldy. Sot jer qatynastary bölımınıŋ basşysyn QR QK 361-babynyŋ 3-bölıgınıŋ 4-tarmaǧy, al būrynǧy sektor meŋgeruşısın QR QK 361-babynyŋ 3-bölıgınıŋ 4-tarmaǧy, 24-babynyŋ 5-bölıgı boiynşa kınälı dep tauyp, olarǧa memlekettık lauazymdardy atqaru qūqyǧynan ömır boiyna aiyra otyryp, ekeuın de 4 jylǧa bas bostandyǧynan aiyruǧa ükım şyǧardy. Sot şeşımımen jer uchaskelerı memlekettık qorǧa qaitaryldy. Ükım zaŋdy küşıne engen joq.
«Adyrna» ūlttyq portaly
