Qarjylyq monitoring agenttıgı Qairat Boranbaev özıne qatysty jürıp jatqan tergeu amaldary aiasynda öz erkımen Bılım beru infraqūrylymyn qoldau qoryna 30 mlrd teŋgeden astam qarjy audarǧanyn aitty, dep habarlaidy «Adyrna» ūlttyq portaly.
«Qairat Boranbaevqa qatysty jürgızılıp jatqan sotqa deiıngı tergep-tekseru aiasynda ol öz erkımen tergeumen yntymaqtasu nietı turaly mälımdedı. Boranbaevqa tiesılı kompaniialar şetelden qaitarylǧan qarajat türınde Bılım beru infraqūrylymyn qoldau qoryna 66 mln AQŞ dollaryn, iaǧni 30 mlrd teŋgeden astam qarjy audardy», - delıngen aqparatta.Eske salaiyq, kögıldır otyndy äkelu kezınde qarajat ūrlau faktısı boiynşa jürgızılgen tergeu aiasynda Boranbaev 14,5 mlrd teŋge kölemınde materialdyq şyǧyndy ötegen bolatyn. Būl qarajat qoldanystaǧy zaŋnamaǧa säikes bılım beru salasyn qoldauǧa, mektepter men basqa da oqu oryndaryn saluǧa jäne qaita jaŋartuǧa, sondai-aq bükıl respublika boiynşa äleumettık salaǧa baǧyttalady (QR Biudjet kodeksı 52-3 bap) dep josparlanǧan. Sondai-aq keşe Q.Boranbaev qūny 1,4 mlrd teŋge bolatyn qonaq üiın memleket menşıgıne bergenın jazǧan edık.
«Adyrna» ūlttyq portaly
