Tanymal jýrnalıst Gúljan Erǵalıeva halyqaralyq marapatqa ıe boldy, dep habarlaıdy "Adyrna" tilshisi.
Qazaqstan jýrnalıstıka akademııasy 2021 jyly qurmetti akademık, halyqtyń maqtan tutar uly Oljas Omaruly Súleımenovtiń 85 jyldyǵyna oraı halyqaralyq syılyq taǵaıyndalǵan.
Mártebeli marapattyń bıylǵy ıegeri bolyp jýrnalıst Gúljan Erǵalıeva tanyldy. Qýanyshty jańalyqpen Jýrnalıstıka Akademııasynyń prezıdenti, tarıh ǵylymdarynyń doktory, 56 kitaptyń avtory Saǵymbaı Qozybaev Facebook paraqshasynda bólisti.
"Akademııa prezıdıýmynyń sheshimimen bıylǵy 19 qazanda Semeı polıgonyndaǵy sońǵy ıadrolyq jarylystyń mereıtoıynda marapattyń kelesi ıegeri retinde elimizdegi eń kórnekti jýrnalıst Gúljan Erǵalıeva ataldy. Jýrnalıstıka Akademııasy Erǵalıeva Gúljan Hamıtqyzyn shyn júrekten quttyqtap, laýreatqa jańa shyǵarmashylyq tabystar tileıdi!", - delingen jazbada.
Eske sala keteıik, 2022 jyly bul marapatqa Akademııa prezıdenti Saǵymbaı Qozybaev laıyq dep tanylyp, qaıratkerge Oljas Súleımenov atyndaǵy Halyqaralyq syılyǵy tabystalǵan.
