Shyǵys Qazaqstan oblysynyń ákimi Danıal Ahmetov Semeı qalasyna jasaǵan jumys sapary barysynda Uly Otan soǵysy ardagerlerine qonaqqa bardy. Olardyń arasynda Dmıtrıı Lıtvınenko men Qumar Ómirbaev bar. Óńir basshysy maıdangerlerdi kele jatqan Jeńis kúnimen quttyqtap, olarǵa zor densaýlyq, baqyt jáne uzaq ómir tiledi.
Dmıtrıı Lazarevıch ákimge 1943 jyldyń qazan aıynda ásker qataryna qabyldanǵanyn aıtty. Jas jaýynger kýrsyn ótkennen keıin Tashkentke radıotelegrafıster kýrsyna jiberildi. 1945 jyldyń aqpan aıynda Belorýs maıdanyna jiberilip, áýe áskeriniń quramynda shyǵys Prýssııasynyń bekitilgen astanasy Kenıgsberg bekinisine shabýyl jasady.
Al 1941 jyly áskerge shaqyrylǵan Qumar Ómirbaev 2-shi Ýkraın maıdanynyń quramynda soǵysyp, Kırovograd, Krıýkov, Kremenýk jáne Harkov qalalaryn azat etýge qatysqan. Harkovty bosatý boıynsha shaıqastardyń birinde aýyr jaralanyp, týǵan kolhozyna brıgadır, sodan keıin Borodýlıha aýdanynyń "Korostylevo" kolhozynda basqarýshy bolyp jumys istedi.
Ákimmen áńgime barysynda ardagerler Danıal Ahmetovke óz gramotalary men fotosýretterin kórsetip, estelikterimen bólisti. Maıdangerlerge sheksiz alǵys bildirgen aımaq basshysy, olardy Jeńis Kúnimen quttyqtap, aqshalaı sertıfıkattar men teledıdarlar tabys etti.
