Şyǧys Qazaqstan oblysynyŋ äkımı Danial Ahmetov Semei qalasyna jasaǧan jūmys sapary barysynda Ūly Otan soǧysy ardagerlerıne qonaqqa bardy. Olardyŋ arasynda Dmitrii Litvinenko men Qūmar Ömırbaev bar. Öŋır basşysy maidangerlerdı kele jatqan Jeŋıs künımen qūttyqtap, olarǧa zor densaulyq, baqyt jäne ūzaq ömır tıledı.
Dmitrii Lazarevich äkımge 1943 jyldyŋ qazan aiynda äsker qataryna qabyldanǧanyn aitty. Jas jauynger kursyn ötkennen keiın Taşkentke radiotelegrafister kursyna jıberıldı. 1945 jyldyŋ aqpan aiynda Belorus maidanyna jıberılıp, äue äskerınıŋ qūramynda şyǧys Prussiiasynyŋ bekıtılgen astanasy Kenigsberg bekınısıne şabuyl jasady.
Al 1941 jyly äskerge şaqyrylǧan Qūmar Ömırbaev 2-şı Ukrain maidanynyŋ qūramynda soǧysyp, Kirovograd, Kriukov, Kremenşuk jäne Harkov qalalaryn azat etuge qatysqan. Harkovty bosatu boiynşa şaiqastardyŋ bırınde auyr jaralanyp, tuǧan kolhozyna brigadir, sodan keiın Boroduliha audanynyŋ "Korostylevo" kolhozynda basqaruşy bolyp jūmys ıstedı.
Äkımmen äŋgıme barysynda ardagerler Danial Ahmetovke öz gramotalary men fotosuretterın körsetıp, estelıkterımen bölıstı. Maidangerlerge şeksız alǧys bıldırgen aimaq basşysy, olardy Jeŋıs Künımen qūttyqtap, aqşalai sertifikattar men teledidarlar tabys ettı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz