Aqtóbe oblysynda qyzylsha aýrýy ýshyǵyp barady. Jyl basynan beri oblystyń myńnan astam turǵyny qaýipti dertke shaldyqqan. Qazir jansaqtaý bóliminde alty sábı jatyr. Emhanalarǵa qosymsha tósek-oryndar salynýda, dep habarlaıdy "Adyrna" ulttyq portaly.
Aqtóbe oblysynda qyzylsha aýrýynyń alǵashqy oqıǵalary aqpan aıynda tirkele bastady, dep jazady Astanatv. Aýrý asqynǵan ýaqyt kúzde tirkelip otyr. Barlyq otbasylar emdelýge aýrýhanalarǵa jatqyzylady. Osyǵan oraı oblystaǵy aýrýhanalarǵa qosymsha tósek-oryndar ornalastyryldy.
"Búginde bizde oblysta 211 tósek, eresekter men balalarǵa arnalǵan oblystyq aýrýhanalarda 91 jáne «Chaıka» shıpajaıynda 120 tósek bar. Sońǵy 10 kúnde bizde kúnine orta eseppen 20 jaǵdaı tirkeldi",
dedi densaýlyq saqtaý basqarmasy basshysynyń orynbasary Baqytjan Túlkibaev.
Qazir «Chaıka» shıpajaıynda 82 adam emdelýde. Basym kópshiligi balalar. 6 sábı jansaqtaý bóliminde jatyr. Dárigerlerdiń aıtýynsha, aýrý juqtyrǵan balalardyń 70 paıyzdan astamy ekpe almaǵan. Al mundaı jaǵdaılarda aýrý áldeqaıda aýyr júredi. Dárigerler qyzylshanyń óte juqpaly aýrý ekenin eskertedi. Vakınaııalanbaǵan adam ony 100% yqtımaldyqpen juqtyrýy múmkin. Aýrýdyń aıtarlyqtaı tarap jatqanyna qaramastan, oblystaǵy balabaqshalar men mektepter karantınge jabylmaǵan. Qyzylsha anyqtalsa, juqtyrǵan bala oqshaýlanady, al qalǵan balalar 21 kún boıy baqylaýda bolady.
