Almatydaǧy Medeu-Şymbūlaq jolynda tastardyŋ qūlauyna bailanysty kölık qozǧalysy şekteledı, dep habarlaidy "Adyrna" ūlttyq portaly. Būl turaly qala äkımınıŋ baspasöz qyzmetı mälımdedı.
«Aǧymdaǧy jyldyŋ 25 qazanynda Medeu-Şymbūlaq jolyndaǧy tas qūlau saldaryn joiu jūmystary bastaldy. Jūmys kezınde kölıkter men jaiau jürgınşılerdıŋ qozǧalysy şekteledı. Joba aiasynda aumaqtardy tau jynystary men köşkınderden injenerlık qorǧau, jol betkeilerın nyǧaitu, betkeilerden topyraq pen tastardy tüsıru jäne qoimalyq bögetterdı tazalau jūmystary josparlanuda. Jöndeuge şamamen 11 tehnika men 50 adam jūmyldyrylady», - delıngen särsenbı künı taratqan habarlamada.
Būl rette tau şaŋǧysy kurorttarynyŋ jūmysşylary men käsıporyndaryna kıru kestesı jasalady.
«Qozǧalys turaly aqparat är ūiymnyŋ basşylyǧynan qoljetımdı bolady. Jobany ekı kezeŋde jüzege asyru josparlanuda. Negızgı jūmys kelesı jylǧa josparlanǧan», - dep tüsındırdı qala äkımdıgı.
Ūqsas jaŋalyqtar
