Elorda atynan synǧa tüsetın Aziia oiyndary men halyqaralyq mektep olimpiadalarynyŋ jüldegerlerı Respublika künı qarsaŋynda jeŋıs tūǧyrynda Qazaqstan tuyn körgendegı sezımderı turaly aityp berdı, dep habarlaidy Astana äkımdıgınıŋ resmi saity.
XIX Jazǧy Aziia oiyndarynyŋ jeŋımpazy Nūrjan Batyrbekov öz elınıŋ Tuyn köteru – ärbır sportşynyŋ maqsaty men armany ekenın tılge tiek ettı.
Onyŋ būl pıkırın XIX Jazǧy Aziia oiyndarynyŋ kümıs jüldegerı Galina Duvanova da rastady.
«Erekşe sezımge bölengenım ras. Elımızdıŋ namysyn qorǧap, finalǧa şyqqanym üşın quanyştan közıme jas keldı. Synǧa tüsıp, Qazaqstannyŋ sporty damyp kele jatqanyn körsetemın», - deidı sportşy.
Elordalyq mekteptıŋ oquşysy, biologiia boiynşa halyqaralyq olimpiadanyŋ jüldegerı Ǧalymjan Baqtybai älemdık deŋgeidegı ziiatkerlık turnirde üzdıkterdıŋ qataryna kırgenın bırden tüsınbegenın jäne öz elınıŋ namysyn qorǧai alǧanyn maqtan tūtatynyn atap öttı.
«Qazaqstan atynan Olimpiadaǧa qatysu jäne Qazaqstannyŋ namysyn halyqaralyq arenada qorǧau men üşın ülken jetıstık. Men öz elımnıŋ atynan halyqaralyq olimpiadalarǧa qatysa alatynyma quanamyn», - dep atap öttı onyŋ komandalasy Dana Amangeldı.
«Qazır Qazaqstan halyqaralyq olimpiadalar boiynşa reitingtıŋ basynda tūr. Bızdıŋ qatysuşylar qaşanda jüldelı oryndarǧa ie bolady jäne altyn men kümıstı jiırek alady. Ötken jyldarmen salystyrǧanda būl ülken jetıstık», - deidı informatika boiynşa halyqaralyq olimpiadanyŋ jüldegerı Serıkbai Nūraly.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz