Qoǧam belsendısı, zaŋger Aigül Orynbektıŋ Ordabasy audany, Badam auyl okrugı, Aqbūlaq auylyndaǧy qorǧasyn qaldyqtaryn qaita öŋdeu zauyty qūrylysyna qatysty jazbasyna säikes tömendegışe mälımdeimız:
Ordabasy audany, Badam auyl okrugı, Aqbūlaq auylynda qūrylysy josparlanǧan, qorǧasyn qaldyqtaryn qaita öŋdeu zauyty boiynşa bügıngı künge deiın auyl tūrǧyndarymen bırneşe ret tüsındıru jūmystary jürgızılıp, kezdesuler ötkızıldı.
Būl kezdesuler qoǧamdyq tyŋdau emes, tūrǧyndar arasynda tüsındıru şaralary bolyp tabylady. Qazaqstan Respublikasynyŋ 2015 jylǧy 29 qazanda qabyldanǧan № 375-V «Qazaqstan Respublikasynyŋ Käsıpkerlık Kodeksınıŋ» 14-baby, 2-tarmaqşasynda «Käsıpkerlıktı memlekettık retteu prosesınde memlekettık organdar men olardyŋ lauazymdy adamdarynyŋ tarapynan käsıpkerlık subektılerı zaŋdy qyzmetınıŋ jüzege asyryluyna kedergıler jasalmauǧa tiıs» ekenı körsetılgen. Osy maqsatta Ordabasy audanynyŋ ökımımen arnaiy jūmysşy top qūryldy.
Tüsındıru jūmystary arnaiy qūrylǧan jūmysşy toptyŋ ıs-şara josparymen belgılengen. Būl kezdesulerge zauyt qūrylysyn jürgızetın investor ökılderı, ekolog-mamandar qatysyp, kürdelı tehnologiialyq prosesstyŋ jer qyrtysyna, auaǧa, suǧa keltıretın äserlerın talqylady. İnvestor tarapynan şetelde tūrǧan däl osyndai prototiptı zauyt turaly beinerolikterı, sonymen qatar mamandardyŋ zauyt qūrylysy men onyŋ jūmysynyŋ ekologiiaǧa ziiany joqtyǧyn rastaityn pıkırlerı qosa ūsynyldy.
Türkıstan oblystyq tabiǧi resurstar jäne tabiǧat paidalanudy retteu basqarmasyna investorlardyŋ ötınış bıldıruıne bailanysty Ordabasy audany Badam auyl okrugı Aqbūlaq auylynda metallurgiialyq zauyt qūrylysyn jürgızu boiynşa qoǧamdyq tyŋdau 11-şı mausymǧa belgılengen.
Qoǧamdyq tyŋdau barysynda arnaiy jūmysşy top müşelerı tūrǧyndar müddesınıŋ saqtaluy men ötınış-tılekterınıŋ barynşa nazarǧa alynuyn qadaǧalaityn bolady.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz