Şahtadaǧy apattan qaza tapqandardyŋ otbasyna qanşa qarajat berıletını belgılı boldy, dep habarlaidy “Adyrna” tılşısı.
Qaitys bolǧandardyŋ otbasyna berıletın qarjy turaly eŋbek jäne halyqty äleumettık qorǧau ministrı Svetlana Jaqypova aityp berdı.
Ministrdıŋ aituynşa, qaza tapqan azamattardyŋ otbasylaryna asyrauşysynan airyluyna bailanysty järdemaqy taǧaiyndalatyn bolady.
Järdemaqy respublikalyq biudjetten, äleumettık saqtandyru qorynan, ömırdı saqtandyru kompaniiasynan tölenbek.
Asyrauşysynan aiyrylǧan otbasyndaǧy balalarǧa 18 jasqa deiın ai saiyn 400-500 myŋ teŋgeden bastap berılıp otyratynyn aitty Svetlana Jaqypova.
Al balalar joǧary oqu oryndarynda bılım alyp jatqan bolsa, onda 23 jasqa deiın tölenedı.
“Äzırşe barlyq tölemdı öteu «ArselorMittal Temırtau» kompaniiasyna jükteledı. Käsıporyn ūjymdyq şartqa säikes jyldyq tölem täuekelderın töleuge mındettelıp otyr. «ArselorMittal Temırtau» kompaniiasy jerleu räsımderıne bailanysty barlyq şyǧyndy, sondai-aq balalardy joǧary oqu oryndarynda oqytudy öz moinyna aluǧa tiıs", – dedı ministr.Apattan qaitys bolǧandardyŋ sany 43-ke jettı. Taǧy 3 kenşını ızdeu jūmystary jürude.
Ūqsas jaŋalyqtar
