"ArselorMıttal Temirtaý" kompanııasynyń basqarýshysy Palavathý Krıshnan Naır Bıdjýǵa 2021 jyly 375,9 mln teńge nemese aıyna 31,3 mln teńge tólegeni belgili boldy. Bul derekterdi Finance.kz Telegram arnasy jarııalady, deı habarlaıdy “Adyrna” ulttyq portaly.
Finance.kz-tiń málimetinshe, kompanııa basqarýshysy bir kúnde 1mln teńge jalaqy alyp otyrǵan.
2022 jylǵy derekter joq, kompanııa olardy jaı ǵana qarjylyq eseptilik depozıtarııiniń portalyna júktemegen. Alaıda qarjylyq esepter 31 tamyzǵa deıin bolýy tıis edi. 2020 jyly Palavathý Krıshnan Naır Bıdjý 344 mıllıon teńge aldy. 2019 jyly onyń aldyndaǵy basshysy Paramjıt Sıngh Kalon 328 mıllıon teńge aldy. 2022 jyldyń tamyzynda berilgen sońǵy esepke sáıkes, ArselorMıttaldyń 2021 jyly taza paıdasy 215 mıllıard teńgeni qurady, delingen basylymda.
Eske salsaq, Qaraǵandy oblysynda Kostenko atyndaǵy shahtada jarylys bolǵan edi. Shahtadaǵy apattan 46 kenshi qaza tapty.
