Úkimettegi brıfıng barysynda Qazaqstannyń ónerkásip jáne qurylys mınıstri Qanat Sharlapaev «ArselorMıttal Temirtaý» kásipornyn memleket menshigine qaıtarýǵa qatysty suraqtarǵa jaýap berdi, dep habarlaıdy «Adyrna» ulttyq portaly.
Mınıstr Úkimet kompanııamen uzaq ýaqyt boıy kelissózder júrgizgenin atap ótti.
«Biz aldyn ala qujattarǵa 22 qazanda qol qoıdyq. Ózderińiz biletindeı, «ArselorMıttal Temirta» qol qoıý rásimi qaıǵyly oqıǵaǵa deıin bolǵandyǵy týraly aqparatty rastady. Kelissózder tez júrgizildi dep aıtý durys emes. Aldyn ala kelisimder 22 qazanda jasalǵanyn taǵy da qaıtalap ótemin», - dedi ol.
Sarapshylardyń aıtýynsha, Lakshmı Mıttal Qazaqstannyń ústinen halyqaralyq sottarǵa shaǵym túsire alady.
«Bul jaǵdaıda biz egjeı-tegjeıli zań jumystaryn júrgizip jatyrmyz. Osy ınvestor akıonerler quramynan shyqqannan keıin Qazaqstandy odan ári sot isterinen qorǵaý úshin», - dedi Sharlapaev.
Sondaı-aq mınıstr kompanııanyń ataýy ózgerýi múmkin ekenin málim etti.
«Sheshim áli qabyldanbady. Biraq ınvestordyń qazaqstandyq kásiporyn akıonerleriniń quramynan shyǵýyna baılanysty biz "ArselorMıttal Temirtaý" ataýyn paıdalana almaımyz. Munda qyzmetkerlerdiń pikirin eskerý mańyzdy bolady», - dedi ol.
«Adyrna» ulttyq portaly
