3 qaraşa Almaty qalasy Medeu audandyq sotynda Ǧalymjan Jaqiianovtyŋ Tölen Toqtasynovtyŋ jūbaiy Alma Toqtasynovaǧa qatysty talap aryzy boiynşa qorytyndy sot prosesı ötken bolatyn. Ǧalymjan Jaqiianov bergen aryzynda «Alma Toqtasynova özınıŋ FB-paraqşasynda jazǧan postarynda men tūraly jalǧan aqparat taratty jäne menıŋ ar-namysymdy taptady» dep körsettı. Nätijesınde Alma Toqtasynova jeŋıske jetkenın habarladyq. Oǧan taǧylǧan barlyq aiyp alynyp tastaldy. Al ekı aiǧa sozylǧan sot prosesı qalai boldy? Neden bastaldy?
Aita keteiık, Tölen Toqtasynov pen Ǧalymjan Jaqiianov erteden berı jaqsy aralasqan belgılı tūlǧalar. 2000 jyldardyŋ basynda oppoziiasiiadan oryn tauyp, halyqtyŋ sözın söilegen jandar. Ekeuı 30 jyl dos bolyp, bırge jürıp, bıraz jyl jūmys ıstegen. Ekeuı kompaniia basqaryp, keiın Toqtasynov öz ülesın Jaqiianovqa satqan. Al Jaqiianov kelısılgen aqşanyŋ bıraz bölıgın tölegennen keiın, dosyn «aldady» dep, aryz jazǧan. Bız būǧan deiın de ekı dos arasyndaǧy «daudyŋ» qalai bastalǧanyn jazdyq.
Al Tölen Toqtasynovtyŋ jūbaiy Alma Toqtasynovadan Pavlodar oblysynyŋ eks-äkımı Ǧalymjan Jaqiianov “ar-namysymdy taptady” degen jeleumen aryz jazyp, bırneşe million aqşa öndırıp almaq bolǧan. Alma Toqtasynovanyŋ aituynşa, sot aldy aryzynda 10 millionnan asady.
TOQTASYNOVTARDYŊ KÜRESI
Alǧaşqy sot otyrysy 7 qyrküiek künı Almaty qalasy Medeu audandyq sotynda öttı. Būl prosess Ǧ.Jaqiianovtyŋ otbasy Toqtasynovtarǧa bergen taǧy bır bölek aryzy boiynşa bolyp edı. Aryz beruşı Ǧalymjan Jaqiianov sot otyrysyna kelmedı. Keiıngı bolǧan sot otyrysynda da mülde töbe körsetpedı. Jaqiianov jäne onyŋ qorǧauşylary sottyŋ jabyq ötkenın qalaǧanymen, Toqtasynovtar ötınışı boiynşa sot barysy aşyq türde baspasözdıŋ, qoǧam belsendılerınıŋ qatysuymen öttı. Ekı tarap tyndaldy.
Al 19 qyrküiek künı ötken sotta Jaqiianov tarap “Adyrna” ūlttyq portaly men sotqa qatysqan BAQ ökılderıne şaǧym tüsırdı. Jaqiianovtyŋ ökılderı sudia Aqpaevtan «būqaralyq aqparat qūraldaryna aqparatty būrmalaudyŋ jäne taraptardyŋ bırınıŋ müddesın lobbileudıŋ aldyn alu turaly tüsınık berudı» sūrady. Şaǧym “Adyrna” ūlttyq portalyna jäne Jaqiianovtyŋ kelmeuıne basa nazar audarǧan basqa da būqaralyq aqparat qūraldaryna jıberılgen.
Degenmen, sot “jauapkerdıŋ redaksiialyq saiasatyn jurnalister özderı anyqtaidy” degen uäjben kelıse otyryp, ötınıştı qanaǧattandyrudan bas tartty.
«QAITALANǦAN SSENARİI»
Alma Toqtasynovaǧa qatysty prosesske qaitalanatyn bolsaq, 23 qazan ötken kezektı sot prosesıne belgılı jurnalist Güljan Erǧalieva kuäger bolyp qatysty. Ol sot barysynda 10 jyl būrynǧy Jaqiianovpen bolǧan sotty eske aldy. Alma Toqtasynovanyŋ aituynşa, Erǧalieva men Jaqiianovtyŋ arasyndaǧy daudyŋ bügıngı sotqa ūqsastyǧy köp.
«Erǧalieva men Jaqiianovtyŋ 10 jyl būrynǧy aitysy menı taŋ qaldyrdy. Baiaǧy ädıster, baiaǧy būzylǧan uädeler... qaitalanǧan ssenarii me?», dep jazǧan bolatyn Alma Toqtasynova feisbuk paraqşasyna.
Aita keteiık, Güljan Erǧalieva būrynǧy oppozisiialyq saiasatker Ǧalymjan Jaqiianovtyŋ äielınıŋ üstınen aryz tüsırgen bolatyn. Sebebı, saqtauǧa bergen 1 million dollar qaryz aqşasyn qaitarmaǧan. Erǧalievanyŋ aituynşa, sol kezde türlı syltaumen aqşany bermeuge tyrysqan körınedı. Ol kezde de Jaqiianov äuletı sot prosesıne qatyspaǧan.
Sotta Güljan Erǧalievadan bölek, käsıpker, qoǧam belsendısı Ahmetbek Nūrsila da kuägerlık ettı. Ol Toqtasynov pen Jaqiianov arasyndaǧy dostyq turaly aita ketıp, Toqtasynovqa taǧylǧan aiyp «jalǧan» ekenın qosa kettı.
Kelesı sot otyrysy 26 qazan künı boldy. Onda ekı tarap tolyqtai tyŋdaldy. Jaqiianov «namysymdy taptady» degen Toqtasynova jazǧan posttaryn dälel retınde äkeldı.
«Men şyndyqty jazdym jäne Jaqiianov pen Sisenbaevtyŋ avtorlyǧyn joqqa şyǧaruǧa tyrysqan hattaryna sılteme jasadym. Ol äleumettık jelılerdegı maqalalarǧa, sonyŋ ışınde Güljan Erǧalievanyŋ Facebook-te jariialanǧan maqalalaryna, BAQ derekterıne, sonyŋ ışınde moŋǧol derekterıne jäne t.b. Zaŋdy şeşımnıŋ qabyldanuynda sottyŋ oflain rejimde, baspasözdıŋ nazarynda boluy ülken röl atqardy. Barlyǧy aşyq, közge körınetındei. Bız şynşyl boldyq. Al Jaqiianov sotqa qatysudan jaltaryp jür. İä, onyŋ sot prosesıne qatyspauǧa qūqyǧy bar, bıraq özı ar-namysyn qorǧau turaly talap-aryzdy qozǧaǧan qoǧam qairatkerı retınde qatysuǧa mındettı edı», - dedı Toqtasynova.
Sondai-aq, Alma Toqtasynova jaqyndary üşın küresuden taimaitynyn jetkızdı.
«Men Jaqiianovty jamandaǧym kelmeidı - ol menı qyzyqtyrmaidy. Bıraq menıŋ jazbalarym otbasymnyŋ, balalarymnyŋ äkesınıŋ namysyn qorǧaudyŋ bır türı. Joldasymnyŋ abyroiy men jaqsy esımı – balalarymyzdyŋ bolaşaǧyna salynǧan investisiia. Al men las adamdardyŋ özderıne ūqsamaityn dau-damai, onyŋ ışınde qarjylyq dau-damaiǧa tap bolmaǧan adamnyŋ adal atyn balşyqpen lastauyna qarsymyn», dedı ol.
Osylaişa, belgılı saiasatker Tölen Toqtasynovtyŋ jūbaiy Alma Toqtasynovaǧa taǧylǧan barlyq aiyp alynyp tastalyp, jeŋıske jettı.
JAQİIаNOVTYŊ ŞABUYLY BITKEN JOQ
Eske salsaq, qaŋtar aiynda Tölen Toqtasynovtyŋ «Adyrnanyŋ» iutub arnasyna bergen sūhbatynan keiın, Jaqiianov “Adyrna” ūlttyq portalynyŋ üstınen aryz tastaǧan bolatyn. Ol sotqa deiıngı şaǧym joldap, käsıpker Tölen Toqtasynovpen bolǧan sūhbatty portaldyŋ iutub arnasynan alyp tastaudy, sonymen qatar 1 000 000 teŋge moraldık şyǧyn töleudı talap etude (būl taǧy aita ketsek bölek Alatau audandyq sotynda bolatyn prosess).
Äzırge «Adyrna» portalynyŋ iutub arnasyndaǧy sūhbatqa filologiialyq saraptama jasalyp jatqandyqtan, sot barysy uaqytşa üzılıste. Şaǧym bır mezgılde Tölen Toqtasynovqa jäne “Adyrna” ūlttyq portalyna berılgen. Üş tarap bolyp sotqa qatysady. Al Alatau audanyndaǧy sot beibıt kelısımge keluge ūsynys jasady. Tölen Toqtasynov öz tarapynan mäselenı beibıt şeşuge, qajet bolsa, Jaqiianovpen kez kelgen BAQ-ta betpe-bet kezdesuge daiyn ekenın aitty.
Aita keteiık, Tölen Toqtasynovtyŋ sūhbatynan keiın, “Adyrna” ūlttyq portaly Ǧalymjan Jaqiianovqa alaŋ ūsynyp, sūhbat beruın sūraǧan edı. Degenmen, Jaqiianov jauap bermedı. Osy tūsta, “Adyrna” ūlttyq portaly ekı tarapqa da aşyq ekenın eskertedı. Ǧalymjan Jaqiianov myrzadan sūhbat aluǧa «Adyrna» qaşanda daiar. Tıptı, Tölen Toqtasynovpen bırge aşyq äŋgımege şaqyrady.
Dana Nūrmūhanbet
”Adyrna” ūlttyq portaly
