Qazaqstan prezıdenti Qasym-Jomart Toqaev reseılik Izvestııa basylymyna, al Reseı prezıdenti "Kazahstanskaıa pravda" gazetine suhbat berip, eki el arasyndaǵy qarym-qatynas jaıly sóz etti, dep jazady "Adyrna".
Suhbat barysynda qos prezıdent saıası ahýaldarǵa baǵa berip, yntymaqtastyq, seriktestik turǵysynan ótken shaqqa jáne keleshekke kóz júgirtti.
"Bizdiń Reseı Prezıdentimen Astanada ótetin aldaǵy kezdesýimizdiń kún tártibi dástúrli túrde óte aýqymdy taqyrypta bolmaq. Biz ekijaqty saıası, saýda-ekonomıkalyq jáne mádenı-gýmanıtarlyq yntymaqtastyq máselelerin jan-jaqty talqylaýdy josparlap otyrmyz. Halyqaralyq uıymdar men ıntegraııalyq qurylymdar aıasyndaǵy ózara árekettesý aspektilerin qarastyraıyq. Qazaqstan-Reseı dıalogynyń mańyzdy belgileri syndarlylyq jáne ózara qolaıly nátıjege baǵdarlaný bolyp tabylady. Biz árqashan reseılik áriptesterimizdiń ustanymyn eskerýge tyrysamyz, al olar bizdiń pikirimizdi eskerýge tyrysady" dedi Toqaev reseılik jýrnalıst saýalyna.
"Reseı Qazaqstan ekonomıkasyndaǵy iri ınvestorlardyń biri bolyp tabylady. Qazaqstanǵa jınaqtalǵan reseılik ınvestıııa shamamen 17 mıllıard dollardy quraıdy. Respýblıkada Reseıdiń qatysýymen 6 myńǵa jýyq kásiporyn bar. Ortaq tarıhı ótkenimiz, kóp ǵasyrlyq tatý kórshilik pen yntymaqtastyq, naızmge qarsy kúresip, Jeńisti jaqyndatqan ata-babalarymyzdyń erligine maqtanysh – halyqtarymyzdy jaqyndastyryp, dástúrli tyǵyz ózara tıimdi baılanystardy nyǵaıta túsedi. Biz bul baǵa jetpes baılyqty baǵalaımyz jáne azamattarymyzdyń bolashaq urpaǵy úshin ony arttyrýǵa tyrysamyz" dep atap ótti Pýtın Qazaqstan jaıly.
Eske sala keteıik, Reseı Federaııasynyń Prezıdenti Vladımır Pýtın 9 qarashada Qazaqstanǵa jumys saparymen keledi.
