Ýkraına prezıdenti Vladımır Zelenskıı Grýzııanyń burynǵy prezıdenti Mıhaıl Saakashvılıge Ýkraına azamattyǵynan qaıtaryp berdi. Zelenskıı Saakashvılıdi Ýkraına azamattyǵynan aıyrǵan jarlyqtyń kúshin joıdy. Bul týraly Ýkraına prezıdentiniń saıty habarlady.
23 mamyrda Saakashvılı Zelenskııden ózine Ýkraına azamattyǵyn qaıtaryp berýdi surap, hat jazǵan.
2004-2013 jyldary Grýzııany basqarǵan reformator Saakashvılı 2015 jyly Ýkraına azamattyǵyn qabyldap, Grýzııa azamattyǵynan aıyrylǵan. Sol kezde ony Ýkraınanyń eks-prezıdenti Petr Poroshenko Odessa oblysynyń gýbernatory etip taǵaıyndaǵan. Saakshavılı bul qyzmetti az ýaqyt atqardy da, 2016 jylǵy qarashada úkimetti jemqorlyqpen kúresine kedergi jasady dep aıyptap, otstavkaǵa ketken. Sodan keıin ol Poroshenkony qatty synaı bastaǵan.
Petr Poroshenko 2018 jyoy shildede shetelde júrgen Saakashvılıdi Ýkraına azamattyǵynan aıyrǵan. Poroshenko bıligi Saakashvılıdi Ianýkovıchtiń "qylmystyq tobyna qatysy bar" jáne "Reseıdiń Kıevke qarsy arandatý josparynyń bir bóligi" dep aıyptaǵan. Grýzııa prezıdenti bolyp turǵan kezinde Reseımen qarýly qaqtyǵysty bastan ótkergen Saakashvılı bul aıyptaýlardy "absýrd" dep sıpattaıdy.
Ýkraına azamattyǵynan aıyrylǵan soń Mıhaıl Saakashvılı resmı túrde azamattyǵy joq adam dep tanylyp, Nıderlandta turýǵa yqtııar hat alǵan.
"Azattyq" radıosy
