Qazaqstan Respýblıkasynyń Premer-Mınıstri Álıhan Smaıylov Memleket basshysynyń tapsyrmasy boıynsha Ekonomıkalyq yntymaqtastyq uıymynyń 16-shy sammıtine qatysý úshin Ózbekstanǵa bardy, dep habarlaıdy “Adyrna” ulttyq portaly.
«Ózbekstan – Qazaqstannyń eń iri saýda seriktesteriniń biri. Ortalyq Azııadaǵy barlyq óńirlik saýdanyń shamamen 70%-y bizdiń elderge tıesili. Ótken jyldyń qorytyndysy boıynsha taýar aınalymy 30%-ǵa artyp, alǵash ret $5 mlrd-qa jetti. Biz ózara saýdany $10 mlrd-qa jetkizý boıynsha belsendi jumys júrgizip jatyrmyz», — dedi Premer-Mınıstr.
Óz kezeginde Shavkat Mırzııoev eki el arasyndaǵy strategııalyq yntymaqtastyq, atap aıtqanda saýda, kólik jáne sý sharýashylyǵy salasyndaǵy ýaǵdalastyqtar júıeli túrde júzege asyrylyp jatqanyn atap ótti.
