Almaty qalasynda 368,6 myŋ ŞOB subektısı tırkelgen

Ranking.kz. agenttıgı keltırgen derekterde, ŞOB sektoryndaǧy barlyq tırkelgen kompaniialardyŋ 17% - y Almatyǧa tiesılı ekenı körsetılgen, dep jazdy «Adyrna tılşısı. Qazaqstandaǧy şaǧyn jäne orta käsıporyndar segmentınıŋ jaǧdaiyna taldau jasaǧan agenttık sarapşylary, QR-daǧy ŞOB subektılerınıŋ sany boiynşa absoliuttı köşbasşy respublikanyŋ qarjy ortalyǧy jäne mädeni astanasy, Almaty qalasy degen qorytyndyǧa kelgen. «QR boiynşa sektordyŋ barlyq tırkelgen kompaniialarynyŋ 17% - y Almatyǧa tiesılı: 368,6 myŋ», - delıngen agenttık habarlamasynda. Resmi derekterge süiensek, 2023 jyldyŋ bırınşı toqsanynyŋ qorytyndysy boiynşa elımızde 2,1 mln ŞOB subektısı tırkelgen, onyŋ ışınde jūmys ıstep tūrǧandary nebärı 1,9 mln. Jalpy, qalalyq Käsıpkerlık basqarmasynyŋ mälımetınşe, 2023 jyly Almatyda jūmys ıstep tūrǧan şaǧyn jäne orta käsıporyndar sany 315,2 myŋdy qūraidy, būl 2022 jylmen salystyrǧanda 44,7% - ǧa artyq. 2023 jyldyŋ bırınşı toqsanyna Almatyda respublika boiynşa tırkelgen 2,1 mln-nan 368,6 myŋ ŞOB subektısı tırkelgen. Būl rette onyŋ 315,2 myŋy — jūmys ıstep tūrǧan kompaniialar, būl ötken jylmen salystyrǧanda 44,7% — ǧa artyq, - dep habarlady agenttık Ūlttyq statistika biurosynyŋ derekterı negızınde.