Reseı prezıdenti Vladımır Pýtın Qazaqstanǵa sapary barysynda Toqaevtyń aty-jónin aıtýdan bir kúnde eki ret jańylysty. Jelide Pýtınniń vıdeosy taraýda, dep habarlaıdy “Adyrna” ulttyq portaly.
Aıta keteıik, búgin, 9 qarasha Pýtın Astanaǵa resmı saparmen keldi. Toqaev Pýtındi tańerteń Astana áýejaıynda kútip aldy.
Sondaı-aq, Qostanaıda ótken Qazaqstan men Reseıdiń XIX óńiraralyq yntymaqtastyq forýmyna Toqaev pen Pýtın beınebaılanys rejıminde qatysty. Is-sharanyń taqyryby: «Aýyl sharýashylyǵy – qýatty ekonomıkanyń negizi».
Búgingi resmı kezdesý barysynda, Qazaqstannyń ońtústiginde orys tilinde oqytatyn úsh mektep salý josparlanyp jatqany aıtyldy. Sondaı-aq Qazaqstan men Reseı Semeı, Kókshetaý jáne Óskemen qalalarynda jylý elektr stanııalaryn salý týraly memorandýmǵa qol qoıdy.
