Prezident Qasym-Jomart Toqaevtyŋ töraǧalyǧymen Qauıpsızdık Keŋesınıŋ otyrysy öttı, dep habarlaidy «Adyrna» tılşısı Aqordaǧa sılteme jasap.
Jiynda elımızdıŋ kölık-logistika äleuetın jüzege asyru barysynda kezdesetın strategiialyq syn-qaterler qarastyryldy.
Memlekettık organdar men ūlttyq kompaniialardyŋ basşylary temırjol, avtomobil, teŋız, äue kölıkterı, sondai-aq qūbyr arqyly tasymaldau baǧyttarynda jiı ūşyrasatyn problemalardy şeşu üşın atqarylyp jatqan jūmystar jönınde baiandama jasady.
Memleket basşysy tranzittık jük tasymalyn, sonyŋ ışınde Transkaspii halyqaralyq kölık baǧdary arqyly tasymaldau ısın damytudyŋ özektılıgıne nazar audardy. Sondai-aq otandyq önımderdı eksporttau üşın transport äleuetın ūlǧaitu maŋyzdy ekenın atap öttı. Ol üşın infraqūrylymdyq şekteuler men basqa da kedergılerdı joiyp, kölık-logistika qyzmetınıŋ sapasyn arttyru jäne tarif qalyptastyru jüiesın jetıldıru qajet.
Jiyn barysynda önerkäsıp, eksport jäne tranzit äleuetın qatar damytu, infraqūrylym qūrylysynyŋ zamanaui standarttaryn engızu jäne kölık-logistika salasynyŋ ekonomikaǧa multiplikativtı äserın qamtamasyz etu mäselelerıne airyqşa män berıldı.
Keŋes qorytyndysy boiynşa Prezident Ükımetke bırqatar naqty tapsyrma berdı.
Ūqsas jaŋalyqtar
