Ūlttyq ekonomika ministrlıgınıŋ departament basşysy alaiaqtyq jasaǧany üşın 3 jylǧa sottalǧan bolatyn
Ūlttyq ekonomika ministrı Ruslan Dälenov qol astyndaǧy qyzmetkerı Aslanbek Jaqypovqa qatysty sot ükımı küşıne engennen keiın otstavkaǧa ketuge daiyn ekenın aitty, dep habarlaidy Sputnik Qazaqstantılşısı.
"Sot ükımı küşıne engende, otstavkaǧa ketuge ötınış beremın. Būl dūrys praktika. Būl bırınşı basşynyŋ moraldyq jauapkerşılıgı. Onyŋ kınäsı qanşalyqty ekenın joǧary tūrǧan basşylyq anyqtaidy", - dedı Dälenov senat kuluarynda.
Būǧan deiın Qazaqstan prezidentı Qasym-Jomart Toqaev qaramaǧyndaǧy qyzmetkerlerı jemqorlyq jasasa, basşylar otstavkaǧa ketuı kerek ekenın mälımdegen edı. Aita ketsek, ūlttyq ekonomika ministrlıgı käsıpkerlıktı damytu departamentınıŋ direktory Aslanbek Jaqypovqa biyl säuır aiynda 500 myŋ teŋge para aldy degen aiyp taǧyldy. Keiınırek sybailas jemqorlyqqa qarsy ıs-qimyl ūlttyq biurosy habarlaǧandai, ūlttyq ekonomika ministrlıgınıŋ bırqatar lauazymdy tūlǧasyna qatysty sotqa deiıngı tergeu bastalǧan. Jaqypovtyŋ ısı alaiaqtyq babymen almastyryldy. 29 mamyr künı Esıl audandyq soty şeneunıktı kınälı dep tanyp, üş jylǧa bas bostandyǧynan aiyrǧan bolatyn.Sputnik.
