Keıde osy ınternettegi "qosanov - boıkot" degen aıǵaı - shýdyń bári dalbasa nárse aý dep oılaımyn.
Áleýmettik jelide, mysaly osy feısbýkte ary ketse 150 myń adam, ıýtýbte saıası rolıkter kórilimi boıynsha 1- 2 mln,
ınstagramm, vk, vatsap bárin qossaq sol ıýtýb sanyndaı bolady. Al elimizde 18 mln adam, onyń basym bóligi televızorda otyratyn "meandar", bizde báribir saılaýdyń taǵdyryn sheshetin osy "meandar" bolady aý osy.
Endi osy "meandar" degenniń kim ekenine toqtalsam.. Bular jumys pen úı eki ortasynda ǵana ǵumyr keshetin adamdar, bular "el - jer", "saıasat", "keleshek" degenge bastaryn qatyra qoımaıdy. Ádette bulardyń narazylyǵy esh zııany joq kúńkilden aspaıdy. Taza toǵysharlar.
Bárin televızordan bilip, kórip, soǵan qulaı senip otyrady. Ózge jurt telefonǵa shuqshıyp jeliden aqparat izdep otyrsa, bul "meandarda" ondaı nárse joq, bular telefondy tek zvandasý úshin nemese ara - tura vatsapqa kirý úshin paıdalanady. "Jylaı bermeı jumys isteý kerek, qazaqtyń ózi jalqaý, qımyldaý kerek"."Kim urlamaı jatyr, bári urlaıdy, sen de urlaısyń" degen sóz de tap osylardyń sózderi.
Ol ol ma, televızor anaǵan daýys ber dese, mynalar soǵan baryp bir kisideı daýys beredi, al kandıdaty ýje taqqa otyryp alǵan onyń ne deıtini belgili. "Meandar" tup - týra sol taqqa baryp daýys berip keledi. "Ne úshin daýys berdińiz" dep surasańyz, "ýje otyr ǵoı" deıdi. Sondyqtan bulardyń japyrlap saılaýǵa barǵany, bular bárin bylyqtyrdy dep esepteı berińiz. Jalpy, "meandar" sany kóp óte áleýetti qaýym. Bizdiń memleketimizdiń keleshegin is júzinde osylar anyqtap otyr jáne áli uzaq solaı bolady, dálirek aıtsaq osylardyń nadandyǵy sheshedi.
Qalaı desek te bizdegi "boıkotshylar" men Qosanovtyń jaqtastary ana qaýymǵa qaraǵanda óte kreatıvnyı halyq jáne ózara múddeles toptar, bulardyń tásilderi ártúrli bolǵanymen, bular ózgeristi qalaǵan bir atanyń balalary dep te oılaımyn. Alaıda, ókinishke oraı ınternet halqynyń sany az. Saılaýdyń aty saılaýmen, biraq bizde bárin sol "meandar" sheshedi.
Oljas Ábil
"Adyrna" ulttyq portaly
