Arnaiy äleumettık tölem mölşerı jyl saiyn artady — ministr

Eŋbek jäne halyqty äleumettık qorǧau ministrı Svetlana Jaqypova Jambyl oblysyna jūmys sapary aiasynda önerkäsıp käsıporyndarynyŋ qyzmetkerlerımen kezdesu ötkızdı. Eŋbekminınıŋ basşysy eŋbek ūjymdarymen öndırıstegı eŋbek qauıpsızdıgı men eŋbektı qorǧaudy qamtamasyz etu mäselelerın talqylady jäne ziiandy eŋbek jaǧdailarynda ūzaq uaqyt jūmys ısteitın azamattarǧa 55 jastan bastap zeinetkerlık jasqa tolǧanǧa deiın arnaiy äleumettık tölem taǧaiyndaudyŋ negızgı täsılderı turaly aitty. Ministr arnaiy äleumettık tölem mölşerı jyl saiyn arta tüsetının atap öttı. Kezdesu «Qazfosfat» JŞS alaŋynda öttı. Is-şaraǧa QR EHÄQM Eŋbek jäne äleumettık qorǧau komitetınıŋ töraǧasy – Qazaqstannyŋ Bas memlekettık eŋbek inspektory Tölegen Ospanqūlov, jergılıktı atqaruşy organdardyŋ, käsıpodaq ūiymdarynyŋ ökılderı, «Jambyl elektr jelısı» JŞS, «Taraztransenergo» MKK, «Jambylgips» AQ, «JMKZ İmstalkon» JŞS, «Tarazkojobuv» JŞS, «Zapchast» AQ, «Taraz metallurgiia zauyty» JŞS, «Jambyl MAES» AQ, «Tarazenergosentr» AQ, «Qazfosfat» JŞS qyzmetkerlerı, barlyǧy 120 adam qatysty. Svetlana Jaqypova öz sözınde būl kezdesu Memleket basşysynyŋ 2023 jylǧy 1 qyrküiektegı Qazaqstan halqyna Joldauynda aitylǧan tapsyrmalaryn ıske asyru boiynşa jürgızılgen jūmystardy tüsındıru üşın ötkızılıp jatqanyn atap öttı. Osylaişa, öndırıstık jaraqattanu deŋgeiın tömendetu maqsatynda 2030 jylǧa deiıngı qauıpsız eŋbek tūjyrymdamasynyŋ jobasy äzırlendı. Ziiandy eŋbek jaǧdailarynda jūmys ısteitın adamdardy äleumettık qorǧau deŋgeiın arttyru üşın arnaiy äleumettık tölemdı engızudı közdeitın zaŋnamaǧa tüzetuler paketı äzırlendı. Tiıstı zaŋ jobasyn QR Parlamentı Mäjılısı qabyldady. «Arnaiy äleumettık tölemderdı taǧaiyndaudyŋ mındettı şarttary mynadai: 55 jasqa tolu jäne soŋǧy 7 jylda BJZQ-ǧa käsıptık zeinetaqy audarymdarynyŋ boluy. Arnaiy äleumettık tölem bırneşe komponentten tūrady jäne tört qarajat közınen jüzege asyrylady: respublikalyq biudjetten 2 eŋ tömen künkörıs deŋgeiı mölşerınde arnaiy käsıptık järdemaqy; ömırdı saqtandyru jönındegı kompaniialardan 1 eŋ tömen künkörıs deŋgeiı mölşerınde; jūmys beruşılerdıŋ qarajaty esebınen 1 eŋ tömen künkörıs deŋgeiı mölşerınde, BJZQ-dan mındettı käsıptık zeinetaqy jarnalary esebınen. Būdan basqa, jūmyskerlerge BJZQ-daǧy zeinetaqy jinaqtaryn eskere otyryp, mındettı zeinetaqy jarnalary esebınen tölemder alu qūqyǧy berıledı», – dedı Svetlana Jaqypova. Äleumettık kodekske säikes jūmys beruşıler käsıpterı men qyzmet türlerı Eŋbek jaǧdailary ziiandy jūmystarmen ainalysatyn jūmyskerlerdıŋ, öndırısterdıŋ, jūmystardyŋ, käsıpterdıŋ tızbesıne engızılgen jūmyskerler üşın mındettı käsıptık zeinetaqy jarnalaryn audarady, olardyŋ 2 myŋnan astam pozisiiasy bar. Osylaişa, arnaiy äleumettık tölem ekonomikanyŋ 19 salasynda, onyŋ ışınde tau-ken öndıru jäne öŋdeu önerkäsıbınde jäne basqalarynda jūmys ısteitın qazaqstandyqtarǧa tiesılı bolady. Ministr tölem zeinetkerlık jasqa deiın tölenetının atap öttı. Arnaiy äleumettık tölemderdı alu üşın eŋbek jaǧdailary ziiandy jūmystarmen ainalyspauǧa tiıs. Jūmyskerler jeŋıl jūmysqa auysa alady, sodan keiın olar jalaqy men tölem alady nemese demalysqa şyǧyp, zeinetke şyqqanǧa deiın arnaiy äleumettık tölemder alady. Bıryŋǧai jinaqtauşy zeinetaqy qorynyŋ derekterı boiynşa arnaiy äleumettık tölemdı taǧaiyndau üşın mındettı şarttardy eskere otyryp, oǧan 2024 jyly 37 myŋnan astam jūmysker, 2025 jyly – 42 myŋnan astam, 2026 jyly – 47 myŋnan astam jūmysker ümıtker bola alady. Osylaişa, äleuettı tölem aluşylar sany jyl saiyn ūlǧaiady. «Aldyn ala derekter boiynşa, 2024 jyly arnaiy äleumettık tölemnıŋ ortaşa mölşerı jalpy alǧanda 208 myŋ teŋgeden asady. Ärbır jūmysker üşın tölem mölşerı BJZQ-daǧy jinaqtarǧa bailanysty bolady. Būl rette jyl saiyn arnaiy äleumettık tölem mölşerı eŋ tömen künkörıs mölşerınıŋ ūlǧaiuyna bailanysty ösedı», – dedı Svetlana Jaqypova. Sondai-aq, zaŋnamalyq tüzetuler boiynşa jūmyskerdı eŋbek mındetterın oryndau kezınde jazataiym oqiǧalardan mındettı saqtandyru jüiesın jetıldıru közdeledı, atap aitqanda: - ömırdı saqtandyru kompaniialarynyŋ aldyn alu şaralaryna jūmsaǧan şyǧystaryn tölengen saqtandyru syilyqaqysynyŋ 6 %-na deiın öteuı; - ömırdı saqtandyru kompaniialarynyŋ oŋaltu şaralaryna jūmsaǧan şyǧystaryn tölengen saqtandyru syilyqaqysynyŋ 6%-na deiın öteuı; - ömırdı saqtandyru kompaniialarynyŋ zardap şekken jūmyskerdı sanatorii-kurorttyq emdeluın 100 ailyq eseptık körsetkışke deiıngı mölşerde töleuı; - jazataiym oqiǧa nätijesınde keltırılgen ziiandy öteu (saqtandyru tölemı) mölşerın aiqyndau kezınde jūmyskerdıŋ kınäsın boldyrmau. Kezdesude Svetlana Jaqypova Jambyl oblysynyŋ käsıporyndary qyzmetkerlerınıŋ sūraqtaryna jan-jaqty jauap berıp, sodan keiın BAQ ökılderıne sūhbat berdı. Sonymen qatar, jūmys sapary barysynda ministr «Qaratau» AAQ regressşılerımen kezdesu ötkızdı.