Mädeniet jäne aqparat ministrı Aida Balaevanyŋ aituynşa, Prezident janyndaǧy Äielder ısterı jäne otbasylyq-demografiialyq saiasat jönındegı ūlttyq komissiia tūrmystyq zorlyq-zombylyqpen küresudıŋ keşendı josparyn äzırleuge kırıstı. Būl turaly «Adyrna» ūlttyq portaly habarlaidy.
«Özderıŋız bıletındei, el Prezidentı: «Bızdıŋ qoǧamdaǧy eŋ basty ideologiia — būl zaŋ men tärtıptıŋ üstemdıgı degen bolatyn. Būl bırınşı kezekte qoǧamnyŋ qarym-qatynasyna ǧana emes, tūrmystyq mäselelerge de qatysty aitylǧan qaǧida. Äsırese, qazır bız üşın tūrmystyq zorlyq-zombylyq mäselelerı aldyŋǧy orynda tūr. Mūndai qylmystar üşın jauapkerşılık 2023 jyldyŋ 1 şıldesınen edäuır küşeitılgen bolatyn. Sodan berı jauapqa tartylǧan agressorlar sany 2 ese köbeigen. Dälırek aitqanda, osy jyldyŋ II-toqsanynda 7 myŋ adam jauapqa tartylsa, III-toqsanda olardyŋ sany 27 myŋ adamǧa jetken. Odan basqa taǧy 60 myŋ qūqyq būzuşy äkımşılık jauapkerşılıkke tartyldy. Olarǧa qatysty 70 myŋ eskertu jasaldy. Qūqyq būzuşylardyŋ mınez-qūlqyn tüzetu üşın sot arqyly 12 myŋ talap qoiyldy», — dep Facebook jelısıne beineündeu jariialady.
Ministrdıŋ mälımetınşe, qabyldanǧan şaralardyŋ nätijesı, 10 aida otbasylyq-tūrmystyq qūqyq būzuşylyqtar turaly habarlamalardy tırkeu 20 paiyzǧa, onyŋ ışınde qylmystyq qūqyq būzuşylyqtar 4,2 paiyzǧa, auyr qylmystar 12 paiyzǧa tömendegen.
«Ökınışke qarai, keiıngı jaǧdailar būl mäselenıŋ älı de kün tärtıbınen tüspegenın jäne özektı ekenın körsetıp tūr. Basty sebep — azamattardyŋ zaŋdy qūqyǧyn qūrmettemeu. Osydan tuyndaityn sananyŋ būzyluy, jalpy qūqyqtyq negilizm qazırgı qoǧamǧa tän ekenın körsetıp otyr. Bız ata-ana retınde balalarǧa üide bolsyn, syrtta bolsyn keleŋsız qūbylystarmen küresu mädenietın qalyptastyruymyz qajet. Qoǧam zaŋ būzuşylyqqa, zorlyq-zombylyq pen dörekılıkke tözbeuı tiıs. Onyŋ ışınde tūrmystyq zorlyq-zombylyqtan, būzaqylyqtan, dörekılıkten jäne vandalizmnen müldem bas tartu atmosferasyn qalyptastyruymyz maŋyzdy. Barşa adam balasyna degen qūrmet, er-azamattardyŋ äiel men qyzdarǧa degen syilastyǧyn bala kezden boiyna sıŋıru qajet. Özımız ben ainaladaǧy adamdardyŋ taǧdyry men ömırı bızge bailanysty ekenın ärqaşan este ūstauymyz kerek. Däl qazır Prezident janyndaǧy Äielder jäne otbasy saiasaty jönındegı ūlttyq komissiia tūrmystyq zorlyq-zombylyqpen küresudıŋ keşendı josparyn äzırleuge kırıstı. Sondyqtan sarapşylardy, azamattyq sektor ökılderın belsendı boluǧa, tiıstı ūsynystardy joldauǧa şaqyramyn», — dedı Aida Balaeva.
«Adyrna» ūlttyq portaly
Ūqsas jaŋalyqtar
