Qyrǧyzstan premer-ministrı Muhammedkalyi Abylgaziev Azattyqtyŋ Qyrǧyz qyzmetı zertteuındegı mälımetterdı tekseruge qatysty jinalys ötkızdı. Būl turaly 4 mausymda Qyrǧyzstan ükımetı baspasöz qyzmetı habarlady.
Qyrǧyzstan memlekettık qarjy barlau qyzmetınıŋ töraǧasy Gulamjan Anarbaevtyŋ aituynşa, jurnalistık zertteude atalǧan qarjynyŋ şetelge şyǧarylǧany jaily mälımetterdı mekeme 2014 jyly ışkı ıster ministrlıgınıŋ qarauyna ötkızgen.
"Qazır qarjy barlau qyzmetı men qarjy polisiiasy bırlesıp, 700 mln dollardyŋ elden şyǧarylǧany jaily mälımettı tekserıp jatyr" dedı töraǧa.
Premer-ministr Muhammedkalyi Abylgaziev tekserudı tezdetudı tapsyrdy.
"Mūqiiat tekserıp qana qoimai, ony qoǧamǧa habarlap otyru qajet. Tekseru qorytyndysyn tūrǧyndar bıluı tiıs" dedı ükımet basşysy.
29 mamyrda Azattyqtyŋ Qyrǧyz qyzmetınıŋ "Yngaisyz suroolor"baǧdarlamasynyŋ kezektı sanynda Qyrǧyzstannan milliondaǧan dollar zaŋsyz şyǧarylǧany turaly derek aitylǧan.
