Işkı ıster ministrlıgınıŋ basşysy Erjan Sädenov Prezident Qasym-Jomart Toqaevqa eldegı jedel jaǧdai turaly baiandady, dep habarlaidy "Adyrna" ūlttyq portaly Aqordanyŋ baspasöz qyzmetıne sılteme jasap.
Ministr Qazaqstanda qylmystyŋ azaiu ürdısı jalǧasyp jatqanyn aitty: kısı öltıru 20 paiyzǧa, ūrlyq 28 paiyzǧa, tonau 32 paiyzǧa azaiǧan. Sondai-aq, onyŋ aituynşa, tonau, būzaqylyq, mal ūrlyǧy, densaulyqqa auyr ziian keltıru jäne basqa da, sonyŋ ışınde tūrmystyq saladaǧy qylmystar azaiǧan.
Qasym-Jomart Toqaevqa qūqyqbūzuşylyqqa mülde tözbeuşılık qaǧidatyn qalyptastyru, zaŋǧa qaişy äreketter men qylmys jasaǧany üşın jazanyŋ būltartpastyǧyn ıske asyru, jol qauıpsızdıgın qamtamasyz etu jūmystary turaly mälımet berıldı.
Bügınde 8 million 500 myŋ zaŋǧa qaişy äreket anyqtalǧan. Būl ötken jylmen salystyrǧanda 1 millionǧa köp. Jasalǧan qūqyqbūzuşylyqtar üşın 90 milliard teŋge kölemınde äkımşılık aiyppūl salyndy, 71 milliard teŋge öndırıp alyndy.
Sonymen qatar Prezidentke ışkı ıster organdarynyŋ jūmysyn jetıldıru, sonyŋ ışınde IIO qyzmetkerlerın attestasiiadan ötkızıp, vedomstvony laiyqsyz mamandardan tazartu şaralary turaly baiandaldy.
Kezdesu soŋynda Qasym-Jomart Toqaev «Zaŋ jäne Tärtıp» qaǧidatyn qamtamasyz etu jönınde bırqatar naqty tapsyrma berdı.
Memleket basşysy qoǧamda ädıldık pen tärtıp ornatu üşın qūqyq qorǧau organdarynyŋ qyzmetkerlerıne ülken jauapkerşılık jüktelgenın aitty.
Ūqsas jaŋalyqtar
