Jambyl oblysynda bılım bölımınıŋ basşylary 12 jasar oquşynyŋ jüktılıgın bır jyl boiy jasyryp kelgen. Būl turaly 31-arna İnformbiuro jaŋalyqtar baǧdarlamasy jariialady, dep habarlaidy “Adyrna” ūlttyq portaly.
Mektep äkımşılıgı Jaŋatas qalasyndaǧy jaǧdaidy jasyru üşın qyzdyŋ anasyna eskertpei, oǧan tüsık jasatqan. Qazır 7-synyptaǧy jasöspırımge azǧyndyq jasady degen küdıkpen audandyq mäslihat deputatynyŋ küieuı qamauǧa alyndy. Polisiia qylmysty der kezınde habarlamaǧan bılım salasynyŋ qyzmetkerlerıne qatysty ıs qozǧady.
12 jasar qyzdy ūzaq uaqyt 55 jastaǧy er adam jynystyq qarym-qatynasqa tartqan. Telefon syilap, aldap, oquşyǧa oiyna kelgenın ıstegen körınedı. Aqyry jüktı bolyp, anasyna bar şyndyqty aituǧa bel buǧan. Qaltasy qalyŋ küdıktı qyzdy qorqytyp, eşkımge aitpauyn talap etken.
Kerek joq, onyŋ bailanysy myqty. Äielı - deputat. Balabaqşada meŋgeruşı bolyp ısteidı. Maǧan qyzym jüktı ekenın tek jaŋa jyldyŋ qarsaŋynda aitty. Jüktılık merzımı şamamen alty ailyq,- dedı anasy Märiiam Smadiiarova.Jalǧyzbasty äiel qyzynyŋ jüktılıgın mektep basşylary da jasyruǧa tyrysqanyn aitady. Qyz mektep-internatta jatyp oqyǧan. Jüktılıktıŋ alty ailyǧynda oquşyny bılım oşaǧynyŋ qyzmetkerlerı Jaŋatastan Qaratau qalasyna alyp ketken. Maǧan tüsık jasatatynyn aitqan joq. Olar tüsıkten būryn tolǧaq şaqyratyn därı bergen. Men bılmedım. Tek tünde qyzym tüsık jasatqyzǧany turaly hat jazyp jıberıptı. Sütı tarauy üşın omyrauyn şarfpen buyp, üige äkelıp tastady. Bıraq būl tüsık eşqandai qūzyrly organdarynda tırkelmegen. Jasyryn tüsık jasatudyŋ jolyn tapqandar jeke ginekolog jaldaǧan eken. Bılım bölımınıŋ basşysy küdıktı balabaqşada küzetşı bolyp ıstegenın aitady. “Qazır tergeu amaldary jürıp jatyr. Sondyqtan eşnärse aita almaimyn. Oqiǧa bolǧany ras. Aigöilek memlekettık balabaqşasynda küzetşı bolyp jūmys ıstegen. Qazır polisiia departamentı būl aitylǧandardy tergeumen däleldengenın jetkızdı. Jetınşı synyptaǧy jetkınşekke azǧyndyq jasaǧan küdıktı qamauǧa alyndy. Sondai-aq osy ıske qatysy bar bılım bölımınıŋ qyzmetkerlerınıŋ üstınen qylmystyq ıs qozǧalǧan”, – dedı Sarysu audany bılım bölımınıŋ basşysy Iliias Baimaǧambetov. “Tergeu barysynda jynystyq qatynas saldarynan 2022 jyly jüktı bolǧany anyqtaldy. Alaida jüktılık deregı mektep basşylyǧymen jasyrylǧan, tiıstı organdarǧa habarlausyz tüsık jasalǧan. Aiyptaluşynyŋ kınäsı däleldenıp, qamaqqa alyndy. Is sotqa jıberıldı. Mektep basşylyǧyna qatysty QK 434 baby “Qylmys turaly habarlamau” turaly ıs tırkeldı”, – dep mälımdedı Jambyl oblysy polisiia departamentı bastyǧynyŋ orynbasary Almaz Salamatov.
Ūqsas jaŋalyqtar
