"Otandastar" qorynan, jūmystan kettık.
Anyǧy - ketırdı.
Ol jerge Qazaq ūltynyŋ müddesın şynaiy oilaityn ūltşyl adamdar kerek emes.
Ötırık esepter men jalǧan aiǧai, kelse-kelmes memarandumdar men qarjy şaşatyn ötırık jobalar ūsynyp, orysşa söileseŋ, basşylyqqa jaǧymsyp, ötırıktı suşa sapyrsaŋ ǧana jaǧasyŋ.
Qandastar ısı boiynşa on jyldyq täjıribeme süienıp, tört ai adal eŋbek ettım. Bıraz qandastyŋ maŋdaiynan sipap, jasyn sürttık.
Eŋbek ardagerı, Köşı-qon salasynyŋ üzdık mamany Marat Toksambaevaǧama säikesıp, qyzu yntamen "Bailanys ortalyǧynyŋ" bazasyn daiyndadyq. Qūjaty joq, ömırden toryǧyp, özıne qol salmaq bolǧan jandarǧa ruhani küş berdık.
Orys tıldıler ūlt janaşyrlaryn qaşanda sidyrmaityny anyq. Bızdıŋ bar mınımız - qazaqşa söilep, bar yntamyzben qyzmet etkenımız.
Ūlttyq ūstanymda berık tūrǧany üşın säuır aiynda Madi Manatbekūlyn da vise-prezident qyzmetınen ketırgen bolatyn.
Alda sailau nauqany. Qūjattyq mäselesı auyr jiyrma myŋǧa juyq qandas är jerde sandalyp jür. Künı erteŋ äleumettık arazdyqtyŋ bır ūşqyny osydan tūtaityny aqiqat. Qor bolsa qaidaǧy bır "Miunhendegı kışı qūryltai" dep sabylyp, şaşylyp jür. https://www.inform.kz/…/myunhende-duniezhuzi-kazaktarynyn-k…
Sözdıŋ aşyǧy - Europadaǧy az qazaqtyŋ mūnda qazır kelgısı joq. (Ony közımızben kördık te).
Qandastyŋ basym bölıgın ūstaityn elderge baryp, köş būidasyn tüzeu kerek edı. Būlar Resei men Europany aralaudan aspai jür.
Qazaqqa şyn jany aşysa, qytaida qysym körgen ekı jarym million qazaqtyŋ ortasyna barsyn. Özbek, İran, Türkiia, t.b elderdegı orysşa tüsınbeitın qandastarmen orys tılınde qalai jūmys jasau oilary baryn tüsınbeisıŋ.
Būl jaǧdailardan Prezident äkımşılıgı jetekşısı Baqytjan Saǧyntaev pen Işkı saiasattaǧy Aida Balayeva hanym, Qoǧamdyq damu jäne aqparat ministrı Dauren Abaev myrzalar habardar boluy kerek dep oilaimyn.
Qor basşylyǧynda qandas tügılı qazaqty mensınbeitın top bar.
Al, ışkı jaǧdaidan qor jetkşısı Nūrtai Äbıqaev aǧamyz habarsyz dep oilaimyn...
Bırer künde tolyq maqala jariialaimyn.
Ūlarbek Däleiūly
"Adyrna" ūlttyq portaly
