Qazaqstanda memlekettık biudjettıŋ 80 paiyzy ornyqty damu maqsattaryna säikestendırıldı. Būl turaly Qasym-Jomart Toqaev BŪŪ-nyŋ Ortalyq Aziia ekonomikalaryna arnalǧan Arnaiy baǧdarlamasyna (SPEKA) qatysuşy memleket basşylarynyŋ bırınşı sammitınde aitty, dep habarlaidy «Adyrna» tılşısı.
«Geosaiasi tūrǧyda bölşektenu beleŋ alyp, jahandyq ekonomikanyŋ koniunkturasy qūbylyp tūrǧan qazırgı jaǧdaida Arnaiy baǧdarlamanyŋ män-maŋyzy arta tüsedı. Ortaq müddenı eskere otyryp, SPEKA-ny odan ärı damytu jönınde öz közqarasymdy ortaǧa saluǧa rūqsat etıŋızder. Ornyqty damu qaǧidattary memleketterımızdıŋ ūlttyq strategiialary men baǧdarlamalarynyŋ özegıne ainaldy. Bügınde Qazaqstanda memlekettık biudjettıŋ 80 paiyzy ornyqty damu maqsattaryna säikestendırıldı»,—dedı ol.Prezident el ükımetınıŋ basty mındetın de atap öttı.
«Ükımetımızdıŋ eŋ basty mındetı – sapaly bılım beru men densaulyq saqtau ısınıŋ barşaǧa qol jetımdı boluyn qamtamasyz etu. Juyrda küşıne engen jaŋa Äleumettık kodekste äleumettık osal toptarǧa jatatyn azamattardy qorǧau tetıkterı jetıldırıldı»,—dep tolyqtyrdy Toqaev.
