88 jyl buryn 28 qarashada aqyn, Qazaqstan Memlekettik ánuranynyń (mátini) avtory, Qazaqstan Jastar odaǵy syılyǵynyń ıegeri Jumeken Sabyruly Nájimedenov Atyraý oblysy, Qurmanǵazy aýdanynda dúnıege keldi.
Aqyn 1963 jyly Moskvada ótken Jas jazýshylardyń IV konferenııasyna delegat bolyp qatysyp, 1967 jyly Uly Otan soǵysyndaǵy qasiretti jyrlaǵan «Joq, umytýǵa bolmaıdy!» degen dastandar jınaǵy úshin Qazaqstan Lenın komsomoly syılyǵynyń laýreaty atandy. Jumeken Nájimedenov – 2006 jyly qabyldanǵan Qazaqstan Respýblıkasynyń Ánurany avtorlarynyń biri. «Meniń Qazaqstanym» áni onyń shyǵarmashylyq jolynyń basynda, aqynnyń 21 jasynda jazylǵan.
«Ol ýaqytta qazaqtyń keń dalasyn Reseıge bólip bermekshi bolyp jatty ǵoı. Aqynnyń qarýy – qalam. Sol kezde qalamymen bildirgen qarsylyǵy osy sózi boldy. «Meniń elim, meniń jerim, qazaǵym», dep jyrlady. Alaıda, muny Ortalyq komıtet efırge shyǵarmady. Áýeni unady, tek sózin ózgert depti. «Sen nege «Meniń elim, meniń jerim, qazaǵym» deısiń? Olaı bolmaıdy, partııany qos deıdi. Sodan amal joq, partııany qosqan jerleri bar edi. Qansha ózgertilgenimen, keıin Jamal Omarova oryndaǵan alǵashqy nusqasy 1959 jyly qarasha aıynda efırge shyqty»,- deıdi aqynnyń jary Násip Mustaqyzy.
1983 jyly aqyn 47 jasynda ómirden ótti. 2010 jyly «Meniń Qazaqstanym» atty jyr jınaǵy úshin Jumeken Nájimedenovke Qazaqstan Respýblıkasynyń Memlekettik syılyǵy (qaıtys bolǵannan keıin) berildi.
«Adyrna» ulttyq portaly
