Aqtöbe oblysy Baiǧanin audanyndaǧy Tobyq JARMAǦAMBETOV atyndaǧy mektep mūǧalımderı oblystyq bılım basqarmasyna qarasty mekemeden kelgen qonaqtardy bai dastarhanmen qarsy alǧan. Būl zaŋǧa tompaq eken. QK-tıŋ 247 babyna säikes 80 AEK aiyppūl töleidı nemese 80 saǧat qoǧamdyq jūmysqa tartyluy mümkın. Iаki 20 täulıkke deiın qamauǧa alynuy da yqtimal.
Osylaişa oblystyq bılım basqarmasy bastyǧy Läzzat ORAZBAEVANYŊ qaramaǧyndaǧy aqtöbelık meimandardyŋ ıs-sapary audandaǧy mūǧalımderdı alaŋdatyp tastady.
Oblystyq pedagogikalyq-därıgerlık-psihologiialyq keŋesınıŋ 10 qyzmetkerı balalardy arnaiy bılım beru ūiymdaryna tüzetu jūmystaryna joldama beru üşın tekseru jürgızuge kelgen eken.
«Audan mūǧalımderı dastarhandy özderı aqşa jūmsap jaimaǧandaryn aitty. Ol dastarhan oblystan kelgen qonaqtardyŋ esebınen jaiylypty. Bıraq dastarhanǧa qarap: «Olar üide de osylai ädemı tamaqtana ma, baiǧanindık ūstazdar nege stöl jasau kerek, sanitarlyq normaǧa säikes mektep kabinetterınde dastarhan jaiuǧa rūqsat bar ma?» degen sūraqtar tuyndady», - deidı «Adaldyq alaŋy» jobalyq keŋsesınıŋ saraptama keŋesınıŋ töraǧasy Janbolat TŪRTAEV.
Qazır barlyq audan ortalyqtarynda ǧana emes, tıptı keibır auyldarda jaqsy tamaqtanuǧa bolatyn meiramhana, dämhana, ashanalary bar. Dastarhandy mektepte jaiudyŋ qanşalyqty qajetı bar deidı QR memlekettık qyzmet ısterı jäne sybailas jemqorlyqqa qarsy ıs-qimyl departamentıne qaraityn «Adaldyq alaŋy» keŋsesınıŋ ökılderı.
Ärbır tekserıske dastarhan daiarlaityndar köbıne mūndai jaǧdaidy qazaqtyŋ qonaqjailylyǧymen tüsındıredı eken.
İä, bır jaǧynan ol da dūrys, bız özımızdıŋ salt-dästürımızdı jäne onyŋ maŋyzdylyǧyn joǧaltpau kerekpız. Bıraq özımızdıŋ tuystarymyzben memleket tolyq türde barlyq ıs-sapar şyǧyndaryn öteitın tekseruşılerdı şatastyruǧa bolmaidy. Onyŋ üstıne tekserıs köp, eger olardyŋ barlyǧyna, iaǧni ıs saparmen keluşılerge, künıne bırneşe ret molynan dastarhan jaiylsa ol şekten şyqqandyq dep tüsındıredı «Adaldyq alaŋynyŋ» baspasöz qyzmetı.
«Tekseruşıler kelgen saiyn dastarhan jaiu onsyz da az jalaqy alatyn qatardaǧy jūmysşylardyŋ qaltasyn qaǧatyny anyq. Öz kezegınde, olar jekelegen käsıpkerlerdı erıksız «keşkı as» jaiuǧa nemese baqylauşylarǧa tüneuge oryn ūsynu arqyly sybailas jemqorlyq qaupın tudyruy mümkın», - deidı «Adaldyq alaŋy» jobalyq keŋsesı sarapşylar keŋesınıŋ töraǧasy Janbolat Tūrtaev.
Qazır atalǧan oqiǧa boiynşa aqparat oblystyq bılım basqarmasyna qarauǧa jäne tiıstı şara qoldanuǧa joldanǧan. Jobalyq keŋse osy baǧyttaǧy jūmysty ärı qarai belsendı türde jalǧastyramyz dep otyr. Ol üşın joǧaryda atalǧan oqiǧaǧa bei-jai qaramaityn jäne osyǧan ūqsas jaǧdai oryn alǧanda habarlai alatyn tūrǧyndardyŋ kömegı qajet ekenın aitady.
Janar Qojanova
"Jas Alaş"
