Almatydaǵy hosteldegi órttiń shyǵý sebepterin tekserý jónindegi Úkimettik komıssııa quryldy, dep habarlaıdy “Adyrna” ulttyq portaly.
Onyń quramyna memlekettik jáne quqyq qorǵaý organdarynyń basshylary, sondaı-aq Almaty ákimdiginiń ókilderi kirdi. Komıssııa tóraǵasy Tótenshe jaǵdaılar mınıstri Syrym Sháriphanov oqıǵa ornyna shuǵyl attandy.
Úkimettik komıssııa órt saldarynan bolǵan qaıǵyly jaǵdaıdyń sebepterin jan-jaqty tekserý jumystaryna dereý kirisip, zardap shekkenderge birinshi kezektegi kómek kórsetedi.
Hosteldegi órtke baılanysty úkimet komıssııasy quryldy.
Aıta keteıik, resmı derek boıynsha, hostel ornalasqan ǵımarat 1956 jyly salynǵan. Hostelden bólek, onda turǵyn úı ornalasqan. Resmı aqparat boıynsha, hosteldiń ashylǵanyna 1,5 aı bolǵan.
Eske salsaq, buǵan deıin habarlaǵanymyzdaı, búgin tańerteń Almatyda ornalasqan hostelderdiń birinen órt shyǵyp, 13 adamdy ajal qushty.