Almatyda hosteldegi órtten qaza tapqandar tiziminde turǵan azamat tiri bolyp shyqty, dep habarlaıdy "Adyrna" tilshisi otyrar.kz-ke siltep.
30 qarasha kúni Almatydaǵy hostelderdiń birinen órt shyǵyp, 13 adam qaıtys boldy degen aqparat taraǵan bolatyn. Alaıda "qaıtys bolǵandar" tiziminde turǵan Túrkistan oblysynyń týmasy tiri bolyp shyqty.
Bul aqparatty Saryaǵash aýdany Derbisek aýyly ákiminiń orynbasary habarlaǵan.
Azamattyń aty-jóni - Ámiráli Ramazan Batyráliuly. 20 jastaǵy túrkistandyq azamat Shymkenttegi medreselerdiń birinde oqıtyn bolyp shyqty. Ol aqsha tabý maqsatynda Almatyǵa kelgen eken.
Qaıǵyly oqıǵadan birneshe kún buryn Ramazan Batyráliuly úıine, Saryaǵash aýdanyna oralady.
Al ata-anasy perzentin Tashkentte medıınalyq tekserýden ótý úshin shaqyryp alǵan. Qazir 20 jastaǵy jigit ata-anasynyń janynda.
Eske sala keteıik, 30 qarasha kúni Almatyda hostelderdiń birinde órt shyǵyp, 13 adamnyń ómirin jalmaǵan bolatyn.
