Almaty oblysyndaǵy Jápek batyr aýylynyń turǵyndary jasóspirimder arasynda bolǵan tóbelestiń birinshi ret emes ekendigin aıtady, dep habarlaıdy «Adyrna» ulttyq portaly «Astana» telearnasyna silteme jasap.
Aýdandyq bilim bólimi Jápek batyr aýylyndaǵy ártúrli mektepterdiń jasóspirimderi tóbeles uıymdastyrǵanyn habarlaǵan bolatyn. Oqıǵanyń jelisi boıynsha, jigitter fýtbol oınap, olardyń arasynda janjal shyǵyp, ol tóbeleske ulasqan. Tóbeles saldarynan bir bala jaraqat alyp, qazir aýrýhanada jatyr.
«Tóbeles kezinde bir oqýshy zardap shekti, ol qazir Almaty oblysynyń balalar aýrýhanasynda em qabyldap jatyr. Jaǵdaıy jaqsy. Osy tóbeleske qatysqan oqýshylardyń mektep dırektorlary jaýapqa tartylady», - deıdi Almaty oblysy Ile aýdandyq bilim bóliminiń ádiskeri Zarına Baqytjan.
Al aýyl turǵyndary arna tilshilerine eki mektep oqýshylarynyń arasynda mundaı kelispeýshilik birinshi ret bolyp otyrǵan joq dep aıtty.
«Uldardyń arasynda orta degen uǵym bar. Olar topqa bólinedi. Al bul toptardyń arasynda túsinispeýshilik týyndaıdy. Sońǵy ret mundaı kelispeýshilik osyndaı nátıjege ákeldi», - deıdi Aınur aýylynyń turǵyny.
Polıeıler janjalǵa qatysqan kámeletke tolmaǵandardyń barlyq ata-analaryna qatysty QR ÁQBtK-niń 127-baby (Kámeletke tolmaǵan balany tárbıeleý, onyń quqyqtary men múddelerin qorǵaý jónindegi mindetterdi oryndamaý) boıynsha ákimshilik materıaldar óndirilgenin habarlady), al kámeletke tolmaǵandardyń ózderine qatysty QR ÁQBtK-niń 435-baby (Kámeletke tolmaǵandar jasaǵan buzaqylyq) boıynsha hattamalar toltyryldy.
Eske sala keteıik, áleýmettik jelide Almaty oblysynda mektep oqýshylarynyń jappaı tóbelesip jatqan vıdeosy taraǵan bolatyn. Tártip saqshylarynyń aıtýynsha, oqıǵa 29 qarashada oblystyń Ile aýdanynda bolǵan. Tekserý barysynda 9-synyp oqýshysy men 10-synyp oqýshysy arasynda kelispeýshilik týyndap, keıin ol jappaı tóbeleske ulasyp ketkeni anyqtaldy.
«Adyrna» ulttyq portaly
